расонаи иттилии - Ориён » Асосӣ » Манижа ба финали Евровидение - 2021 роҳ ёфт - видео

Асосӣ / Ҷомеа

Манижа ба финали Евровидение - 2021 роҳ ёфт - видео


Манижа, овозхони тоҷиктабор, ки аз Русия намояндагӣ мекунад, ҳайати доварони Евровидение — 2021 — ро тасхир кард

Манижа, ки зодаи Тоҷикистон аст, ба даври ниҳоии Евровидение — 2021 роҳ ёфт.

Намояндаи Русия бо суруди Russian Woman ҳунарнамоӣ карда, дар сегонаи аввалин овозхонҳое ворид гардид, ки ба финал роҳ ёфтанд. Нахустин даҳгона, ки ба финал роҳ ёфтанд, намояндагони Норвегия, Исроил, Русия, Озарбойҷон, Малта, Литва, Кипр, Шветсия, Белгия ва Украина мебошанд.

Манижа ҳунарнамоии худро бо пироҳани калони гулдор оғоз кард, ки он аз пораҳои матое, ки мухлисон аз гӯшаҳои гуногуни Русия фиристода буданд, дӯхта шудааст. Пас аз чанде овозхон аз либоси калонаш бадар шуда, бо либоси сурх ҳунарнамоиро идома дод.

Ҳунарнамоии намояндаи Русия яке аз намоишҳои ҷаззоб дар даври ниманиҳоии озмуни Евровидение — 2021 арзёбӣ гардид. Дафъаи дигар тамошобинон зодаи Тоҷикистонро рӯзи 22 май хоҳанд дид.



Евровидение — 2021


Озмуни Евровидение 2021 дар Роттердам баргузор мешавад. Ин озмуни 65 — умин хоҳад буд.

Нидерланд пас аз пирӯзии Дункан Лоуренс бо суруди Arcade дар соли 2019 имкони баргузории Евровидениеро ба даст овард.
Аммо, бинобар пандемияи коронавирусӣ дар соли 2020, аввал озмунро ба таъхир гузоштанд ва сипас комилан лағв карданд.

Пас аз беҳтар шудани вазъи эпидемиологӣ, ташкилкунандагон тасмим гирифтанд, ки Евровидение 2021-ро дар шакли пурра гузаронанд.
Даври аввали ниманиҳоӣ рӯзи 18 май баргузор шуд, даври дуюм рӯзи 20 май дар назар аст. Қарор аст, даври ниҳоӣ рӯзи 22 май баргузор шавад.

Сарчашма: ​Sputnik Tajikistan​​​

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.