Боздошт гардидани зани 46-сола бо гумони дуздии гӯшвори тиллоӣ
Ба ШВКД дар ноҳияи Ашт бо ариза марди 31-солаи сокини ҷамоати деҳоти Ориёни ноҳияи мазкур муроҷиат намудааст, ки 5-уми апрели соли 2021, зани 46-солаи сокини ҷамоати деҳоти Ориён аз гӯши фарзанди ноболиғаш духтарбачаи 7-сола, як ҷуфт гӯшвори тиллоиро тасарруф намуда, аз ҷойи ҳодиса ғайб задааст.Зарари расонидашуда 800 сомониро ташкил медиҳад.
Нисбати гумонбаршаванда парвандаи ҷиноятӣ бо моддаи 248 қисми 2 Кодекси ҷиноятии Ҷумҳурии Тоҷикистон оғоз карда шуда, тафтишот идома дорад.