Қасдан расонидани зарари вазнин ба саломатӣ дар заминаи ҷангу ҷанҷол
Зимни баргузор намудани чорабиниҳои оперативӣ-ҷустуҷӯӣ аз ҷониби кормандони милитсия марди 30-солаи сокини шаҳри Душанбе бо гумони қасдан расонидани зарари вазнин ба саломатӣ дастгир карда шуд.Номбурда, 1-уми феврали соли 2021, тахминан соати 13:00, ҳангоми дар кӯчаи Шестопалови пойтахт, дар назди мағозаи “Марям” қарор доштанаш, бо марди 27-солаи сокини шаҳри Душанбе бе ягон асос ҷангу ҷанҷол намуда, ӯро лату кӯб намудааст.
Дар натиҷа, ҷабрдида ҷароҳати вазнини ҷисмонӣ бардошта, дар беморхона бистарӣ гардидааст.
Аз рӯи ин ҳодиса тафтишот идома дорад.