Дар Тоҷикистон имсол афви маблағҳову дороиҳо гузаронида мешавад
Эмомалӣ Раҳмон гуфт, мо дар давоми 30 соли Истиқлол ин корро як бор анҷом додем.
Сурат: аз бойгонӣ
Эмомалӣ Раҳмон ҳангоми ироаи паёмаш ба Маҷлиси Олии Ҷумҳурии Тоҷикистон пешниҳод кард, ки имсол дар Тоҷикистон афви қонунигардонии маблағҳо ва дигар дороиҳо гузаронида шавад.
Президенти Тоҷикистон гуфт, ки мо ин корро дар 30 соли истиқлол ҳамагӣ як бор анҷом додем, дар ҳоле ки кишварҳои абарқудрати ҷаҳон борҳо ин корро карданд.
Эмомалӣ Раҳмон ба Ҳукумати Тоҷикистон ва сохторҳои дигар дастур дод, ки барои ин кор асноди ҳуқуқиву меъёриро омода кунанд.