ФАВРӢ:Даргирӣ дар наздикии марзи Узбакистон: даҳҳо нафар кушта ва захмӣ шуданд

ФАВРӢ:Даргирӣ дар наздикии марзи Узбакистон: даҳҳо нафар кушта ва захмӣ шуданд

 Ҳодиса шаби 1 - уми октябр дар минтақаи Шортепаи Афғонистон, дар наздикии марз бо Узбакистон рух додааст. Мақомоти маҳаллии Афғонистон гузориш доданд, ки бар асари даргирӣ наздики 11 нафар ҷангиёни Толибон кушта ва захмӣ шуданд  Ҷангиёни ҳаракати Толибон азм доштанд, дар манотиқи наздисарҳадии Узбакистон, идораи пулисро забт намоянд, ки дар натиҷа миёни ду  ҷониб тирпарронӣ сурат гирифт, хабар медиҳад сомонаи TOLO news.
Бар хабари манбаъ, аснои даргирии шадид миёни кормандони амнияти Афғонистон ва ҷангиёни толиб дасти кам 11 нафар аз ҷангҷӯён кушта шуданд.

Зимнан намояндагони Толибон низ хабари даргириро тасдиқ намуданд ва изҳор доштанд, ки аз тири онҳо даҳҳо низомӣ кушта шуд.

Ба иттилои котиботи пулиси Афғонистон, феълан ба маҳаллӣ даргирӣ қувваҳои иловагӣ интиқол дода шуд ва вазъият комилан таҳти назорати мақомоти қудратӣ қарор дорад.

Ёдовар мешавем, ки чанде қабл дар манотиқи наздмарзӣ бо Тоҷикистон низ задухӯрди ҷангиёни ҳаракати мамнӯи Толибон бо мақомоти амнияти Афғонистон рух дода буд.

Толибон ҳатто чандин музофотро ишғол намудан, вале ба низомиёни афғон муяссар гардид, то чанде аз маконҳои таҳти тасарруфи толибонро бозпас бигиранд.

Read more: https://sputnik-tj.com/asia/20191002/1029964031/dargiri-marz-uzbakiston-daho-nafar-kushta-zakhmi-shudand.html

назари худро нависед
Қаҳрамонҳои Тоҷикистон