“ҶИНБАРОР” БО ГУНОҲИ БАДАХЛОҚИИ ШАҲВОНӢ БА ЗИНДОН РАФТ
Сочаев Ҷӯрабой худро “муллои ҷинбарор” эълон карда, “ба ном табобати шаҳрвандонро бе доштани маълумоти расмии динӣ дар намуди маҳсгароӣ, дуохонӣ, аз бадан баровардани ҷин, сеҳру ҷоду ва бахткушоӣ ба роҳ монда, бо сӯистифода аз боварӣ барои табобат маблағҳои пулӣ гирифта, ба манфиати шахсиаш истифода бурда, ба шаҳрвандон зарари моддӣ расонидааст.”
Тафтишот 5 ҳолати қаллобии Сочаевро ошкор кард. Дар як ҳолати дигар , Сочаев моҳи октябри соли 2019 “ба боварии шаҳрванд “А” даромада, ба ӯ ваъда медиҳад, ки аз баданаш ҷин ва сеҳру ҷодуро мебарорад ва номбурда шифо меёбад. Ӯ арзиши ин табобаташро 3000 (се ҳазор) сомонӣ нарх гузоштааст. Шуруъ аз ҳамон лаҳза то аввалҳои моҳи январи соли 2020 Сочаев Ҷ. Н. бо роҳи фиреб ва сӯистифодаи боварии номбурда дар ҳафта як - ду ва дар маҷмуъ даҳ маротиба дар манзили истиқоматӣ бо сӯистифода аз ҳиссиёт ва боварии динии онҳо нисбати номбурда ҳаракатҳои бадахлоқонаро анҷом медиҳад.”
Назари худи Сочаев ва наздикону вакили ӯ ба ин айб дастрас нест.
подробнее тдж:
