расонаи иттилии - Ориён » . » Ҳаводис » Даргузашти адабиётшиноси маъруфи тоҷик Юсуф Акбарзода

. / Ҳаводис

Даргузашти адабиётшиноси маъруфи тоҷик Юсуф Акбарзода

Ӯ яке аз адабиётшиносони варзидаи тоҷик дар сатҳи минтақа ва кишварҳои пасошӯравӣ дониста мешавад.

Сурат: pressa.tj
Адабиётшиноси маъруфи тоҷик Юсуф Акбарзода рӯзи 15 октябр дар синни 82-солагӣ  дар манзилаш даргузаштааст. Дар ин бора пайвандони академик Акбарзода хабар додаанд.
Ба гуфтаи наздикони адабиётшинос ӯ вақтҳои ахир аз бемории пой азият кашида, бистарӣ буд.
Юсуфи Акбарзода 1 майи соли 1938 дар деҳаи Мазори Шарифи ноҳияи Панҷакент таваллуд ёфтааст. Соли 1953 мактаби ҳафтсолаи деҳа, соли 1956 мактаби миёнаи деҳаи Ғӯсарро хатм кардааст. Ӯ хатмкардам факултаи таъриху филологияи Донишкадаи давлатии омӯзгории Хуҷанд буда, солҳо бо ҳайси корманди Пажӯҳишгоҳи забон ва адабиёти ба номи Абӯабдуллоҳи Рӯдакии АИ ҷумҳурӣ шудааст.
Ӯ солҳои 1963—1964 дар сафи Артиши Шӯравӣ хидмат кардааст. Як мудат дар  солҳои 1966—1968 муҳаққиқи коромӯзи Пажӯҳишгоҳи адабиёти ҷаҳони ба номи Максим Горкийи АИ Иттиҳоди Шӯравӣ фаъолият намудааст.
Инчунин Юсуф Акбарзода мудати 3 сол дар Ҷумҳурии Демократии Афғонистон тарҷумонӣ кор кардааст. Баъдан фаъолияташро дар пажӯҳишгоҳи мазкур идома бахшидааст. Аз апрели 1991 то майи 1994 ходими калони илмӣ, аз соли 1995 ходими пешбари илмии Кумитаи истилоҳоти АИ ҷумҳурӣ будааст. Ҳамзамон, аз марти 2000, ноиби раис, аз сентябри 2006 то майи 2010 раиси Донишкадаи озоди Исмоили Сомонӣ, аз июли 2008 то барҳам хӯрданаш (2012) раиси Бунёди Оли Сомон будааст. Сармуҳаррири маҷаллаи илмии Донишкадаи озоди Исмоили Сомонӣ «Варорӯд» (2004) буда, дар авроқи он силсилаи осори устодони донишкадаи мазкур ва навиштаҷоти баъзе журналистони ҷумҳурӣ таҳти таҳрири ӯ мунташир гардидаанд. Соли 1973 дар мавзӯи «Достони лирикӣ дар назми имрӯзаи тоҷик» рисолаи номзадӣ дифоъ кардааст.
Юсуф Акбарзода яке аз муаллифони «Таърихи адабиёти советии тоҷик  Инкишофи жанрҳо» (иборат аз шаш ҷилд) мебошад, ки қисмати ба ӯ тааллуқдошта таҳти унвони «Шеъри тоҷикии нимаи дувуми садаи бист» (2011) ба дасти чоп расидааст.

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.