Путин: Вазъ дар Афғонистон то ҳол муташанниҷ боқӣ мемонад
Раисҷумҳури Русия дар нишасти сарони кишварҳои узви Созмони ҳамкориҳои Шонгҳой аз вазъи имрӯзаи Афғонистон изҳори нигаронӣ кардРаисиҷумҳури Русия Владимир Путин дар нишасти сарони кишварҳои узви Созмони ҳамкориҳои Шонгҳой гуфт, вазъ дар Афғонистон ҳамоно муташанниҷ боқӣ мондааст.
"Аз рӯи анъана СҲШ ба авзоъ дар Афғонистон таваҷҷӯҳ дорад ва ҳамтоёнам ҳоло дар ин бора сӯҳбат карданд. Шиддатнокии вазъият, мутаассифона, коҳиш наёфтааст", - гуфт раҳбари Русия.
Вай илова кард, ки афзалияти СҲШ, "бояд мубориза бо терроризм, муқовимат ба ифротгароӣ ва радикализми мазҳабӣ, ҷилавгирӣ аз қочоқи маводи мухаддир ва дигар навъҳои қочоқ, мубориза бо гурӯҳҳои ҷинояткорӣ боқӣ монад."
Инчунин кишвардори Русия дар нишасти сарони кишварҳои узви Созмони ҳамкориҳои Шонгҳой, ки тавасути маҷози сурат гирифт, таъкид кард, ки СҲШ ҳамкориҳоро дар бахши амният тақвият хоҳад дод.
“Албатта, яке аз вазифаҳои асосии фаъолияти муштарак ин таъмини амният дар давлатҳои СҲШ ва пайравӣ аз марзҳои хориҷии созмон мебошад ва мо дар ин самти фаъолиятамонро оғоз карда, ин соҳаро тақвият хоҳем дод”, - гуфт Путин.
СҲШ соли 2001 таъсис ёфта, ба он Ҳинд, Қазоқистон, Чин, Қирғизистон, Русия, Тоҷикистон, Покистон ва Ӯзбекистон шомиланд.
sputnik
