расонаи иттилии - Ориён » АХБОРИ ОҶИЛ » Русия ҳашт дипломати Ҷопонро ихроҷ мекунад

АХБОРИ ОҶИЛ / Сиёсат / Ҳаводис / Ҷаҳон

Русия ҳашт дипломати Ҷопонро ихроҷ мекунад

Маскав ҳашт корманди сафорати Ҷопонро ихроҷ мекунад ва онҳо бояд то 10 май Русияро тарк кунанд.

Дар ин бора РИА "Новости" бо такя ба Вазорати корҳои хориҷии Русия хабар додааст.

Ба иттилои ин ниҳод, рӯзи 27 апрел намояндаи сафорати Ҷопон дар Маскав ба Вазорати корҳои хориҷии Русия эҳзор ва гуфта шудааст, ки аз оғози амалиёти Русия дар Украина Токиои расмӣ роҳи ошкори душманонаи зидди Маскавро пеш гирифтааст ва ба вайрон кардани хамкории ба ҳамдигар фоидабахш пардохтааст.

"Апофеози ин хат ихроҷи ҳашт дипломати рус аз Ҷопон буд. Ҷониби Русия бо назардошти принсипи мутақобила тақозо кард, ки ҳашт корманди дипломатии Ҷопон то 10 май кишвари моро тарк кунанд", - омадааст дар изҳороти вазорат.

Вазорати корҳои хориҷӣ афзуд, масъулияти комил барои рушди чунин ҳодисаҳо танҳо ба дӯши Ҳукумати Ҷопон аст, ки ба ҷои нафъ даст кашидан аз равобити дӯстона ва созанда бо Русияро интихоб кардааст.


Илова бар ин оҷонсӣ таъкид кардааст, Ҷопон ошкоро аз мавқеи гурӯҳҳои нозии мавҷуд дар қаламрави Украина пуштибонӣ ва ба режими Киев кумаки сиёсӣ, иқтисодӣ ва низомӣ мекунад.



Сарчашма:Sputnik

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.