Соли 2021 дар Душанбе бо иштироки ходимони фарҳанги ИДМ як қатор чорабиниҳо доир мегардад
Зеро Душанбе соли 2021 пойтахти фарҳангии ИДМ эълон шуд.
Сурат: mfa.tjВазири корҳои хориҷии Тоҷикистон Сироҷиддин Муҳриддин рӯзи 10 лекабр дар ҷаласаи навбатии Шӯрои вазирони корҳои хориҷии кишварҳои иштирокдори Иттиҳоди Давлатҳои Мустақил (ИДМ), ки дар сиғаи маҷозӣ баргузор гардид, иштирок кард.
Бино ба иттилои Вазорати корҳои хориҷии ҷумҳурӣ, дар ҷараёни мулоқот вазирон оид ба самтҳои авлавиятноки ҳамкорӣ дар чаҳорчӯби Иттиҳод табодули афкор карданд.
Бо дарназардошти ҳамагирии коронавируси нав роҳбарони ҳайатҳо ба масъалаҳои таъмиқи ҳамкориҳои бисёрҷониба дар чаҳорчӯби ИДМ дар заминаҳои тиҷоративу иқтисодӣ ва фарҳангию гуманитарӣ, инчунин дар соҳаи амният таваҷҷуҳи хос зоҳир намуданд.
Сироҷиддин Муҳриддин зимни суханронии худ таъкид намуд, ки бӯҳрони кунунӣ боиси коҳиш ёфтани суръати тиҷорати дохиливу хориҷӣ ва фаъолияти соҳибкорӣ шуда, ба ҳамкорӣ дар соҳаҳои сармоягузорӣ, сайёҳӣ ва нақлиёт таъсир расонид ва амнияти озуқавории кишварҳои иштирокдори ИДМ-ро зери хатар гузошт.
mfa.tjЗикр мегардад, ки аз рӯйи натиҷаи ҷаласаи вазирон 12 қарор ба имзо расид. Аз ҷумла, Нақшаи машваратҳои байни Вазоратҳои корҳои хориҷӣ дар доираи ИДМ барои соли 2021 тасдиқ шуда, тақсими мансабҳо тибқи квота байни кишварҳои узв дар Кумитаи иҷроияи ИДМ барои давраи навбатии сесола мувофиқа шуд.
Тасмим гирифта шуд, ки ҷаласаи минбаъдаи Шӯрои вазирони корҳои хориҷии кишварҳои узви ИДМ моҳи апрели соли 2021 дар Русия баргузор мешавад.
