Олимзода ба Раҳмон аз пешгирии фарбеҳшавӣ гузориш дод: Маҷлиси Ҳукумат баргузор шуд

Олимзода ба Раҳмон аз пешгирии фарбеҳшавӣ гузориш дод: Маҷлиси Ҳукумат баргузор шуд

 Эмомалӣ Раҳмон ба масъулин барои иҷрои саривақтии масъалаҳои баррасишуда ва ҷиҳати иҷрои дастурҳои дигари Ҳукумат, супоришҳои мушаххас дод 

Имрӯз, 30 сентябр таҳти раёсати Президенти Ҷумҳурии Тоҷикистон, раиси Ҳукумат Эмомалӣ Раҳмон маҷлиси Ҳукумати Тоҷикистон баргузор гардид.

Бино ба гузориши котиботи раисиҷумҳури Тоҷикистон, дар кори маҷлис нахуст дар бораи “Барномаи пешгирии фарбеҳӣ ва ташаккули ғизои солим дар Ҷумҳурии Тоҷикистон барои солҳои 2019-2024” гузориши вазири тандурустӣ ва ҳифзи иҷтимоии аҳолӣ Насим Олимзода шунида шуд.

Зарурати таҳияи лоиҳаи қарори мазкур афзоиши бемориҳои ғайрисироятӣ мебошад, зеро фарбеҳӣ аз ҷиҳати фавту маъюбӣ дар ҷойи намоён меистад.

Тибқи иттилои котибот, таҳлилҳо нишон медиҳанд, ки тайи солҳои охир кам истеъмол намудани нахҳои ғизоӣ ва зиёд истеъмол кардани хӯрокҳои тезтайёру чарбдор, нӯшокиҳои газноки ширин, қандҳои оддӣ ва намак ба сатҳи инкишофи бемориҳои музмини ғайрисироятӣ мусоидат кардааст.

"Эмомалӣ Раҳмон супориш додааст, ки барои омӯзиш, пешгирӣ ва табобати фарбеҳӣ дар доираи “Стратегияи оид ба ғизо ва фаъолияти ҷисмонӣ дар Ҷумҳурии Тоҷикистон барои солҳои 2015-2024” тадбирҳои мушаххас андешида шавад", - омадааст дар хабарнома.

Сипас, аъзои Ҳукумати кишвар 16 хулосаи Ҳукумати Ҷумҳурии Тоҷикистон, аз ҷумла Дар бораи пешниҳоди хулосаи Ҳукумати Ҷумҳурии Тоҷикистон ба лоиҳаи Қонуни конститутсионии Ҷумҳурии Тоҷикистон “Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон “Дар бораи мақомоти маҳаллии ҳокимияти давлатӣ”, Дар бораи пешниҳоди хулосаи Ҳукумати Ҷумҳурии Тоҷикистон ба лоиҳаи Қонуни конститутсионии Ҷумҳурии Тоҷикистон “Оид ба ворид намудани тағйиру иловаҳо ба Қонуни конститутсионии Ҷумҳурии Тоҷикистон “Дар бораи интихоботи  вакилон ба Маҷлиси маҳаллии вакилони халқ”, - ро муҳокима карда, барои баррасӣ ба Маҷлиси намояндагони Маҷлиси Олии Ҷумҳурии Тоҷикистон ирсол намудаанд. 

Ҳамчунин, дар ин ҷаласа, пешниҳоди хулосаи Ҳукумати Ҷумҳурии Тоҷикистон ба лоиҳаи Қонуни Ҷумҳурии Тоҷикистон “Оид ба ворид намудани тағйиру иловаҳо ба Қонуни Ҷумҳурии Тоҷикистон “Дар бораи хизмати давлатӣ”, Дар бораи пешниҳоди хулосаи Ҳукумати Ҷумҳурии Тоҷикистон ба лоиҳаи  Қонуни Ҷумҳурии Тоҷикистон “Дар бораи телевизион ва радио” ва Дар бораи пешниҳоди хулосаи Ҳукумати Ҷумҳурии Тоҷикистон ба лоиҳаи Қонуни Ҷумҳурии Тоҷикистон “Дар бораи ниҳолпарварӣ”-ро муҳокима карда, барои баррасӣ ба Маҷлиси намояндагони Маҷлиси Олии Ҷумҳурии Тоҷикистон ирсол намудаанд.

Дар кори маҷлис ҳамчунин масъалаҳо Дар бораи лоиҳаи Кодекси нақлиёти автомобилии Ҷумҳурии Тоҷикистон, Дар бораи лоиҳаи Кодекси оби Ҷумҳурии Тоҷикистон, Дар бораи Стратегияи миллии мутобиқшавӣ ба тағйирёбии иқлими Ҷумҳурии Тоҷикистон барои давраи то соли 2030 ва Оид ба низомномаи минтақаи озоди иқтисодии “Кӯлоб” мавриди баррасӣ қарор дода шудааст.

Президент ба аъзои Ҳукумат, роҳбарони вазорату идораҳои давлатӣ супориш додааст, ки ҷиҳати иҷрои босифати супоришҳои маҷлиси навбатии Ҳукумати Ҷумҳурии Тоҷикистон ва истиқболи сазовори 30 — солагии Истиқлолияти давлатӣ чораҷуӣ намоянд.

Дастурҳои дигар ба Ҳукумат, роҳбарияти вазорату идораҳои давлатӣ ва мақомоти иҷроияи ҳокимияти давлатии шаҳру ноҳияҳо вобаста ба омодагии ҳамаи бахшҳо ба маъракаи зимистонгузаронӣ, кишти тирамоҳӣ ва вусъати корҳои ободонӣ, дода шудааст.



Read more: https://sputnik-tj.com/Tajikistan/20190930/1029953705/Olimzoda-Rahmon-farbehi-Majlis-dushanbe.html

назари худро нависед
Қаҳрамонҳои Тоҷикистон