Даргузашти Раҳнавард Зарёб, донишманд ва нависандаи пуровозаи Афғонистон
Раҳнавард Зарёб, пажӯҳишгари маъруфи забони форсӣ ва нависандаи пуровозаи Афғонистон субҳи 11-уми декабр дар сини 77-солагӣ даргузашт. Ӯ вақтҳои охир аз беморие, ки дошт, ранҷ мебурд. Гуфта мешавад, ки ӯ дар ҳафтаҳои ахир ба бемории КОВИД-19 гирифтор шуда буд.
Ӯ донишманд ва достоннависи пуровозае буд, ки бо осораш дар Афғонистон, Тоҷикистон, Эрон ва Ҳинд ошноӣ доранд.
Аҳли адаб ва низ сиёсатмадорон дар Афғонистон даргузашти Раҳнавард Зарёбро як талафоти бузург барои фарҳанг ва адаби форсӣ донистанд.
Раҳнавард Зарёб зодаи шаҳри Кобул буд ва беш аз 50 сол дар хизмати фарҳанг ва забону адабри форсӣ буд ва чандин сол дар вазифаҳои давлатӣ ҳам кор кард.
