Силсиладуздиҳои 1-адад яхдон, 1-адад китоби “Қуръони Карим” ва 1-адад оина ошкор гардиданд

 

Ба мақомоти милитсия бо ариза зани 22-солаи сокини пойтахт муроҷиат намудааст, ки шаби 28-уми июни соли равон, шахсони номаълум бо роҳи пинҳонӣ вориди дорухонааш шуда, аз он ҷо 6500-сомониро дуздида, аз ҷойи ҳодиса ғайб задаанд. 

Бо доир намудани чорабиниҳои оперативӣ-ҷустуҷӯӣ аз ҷониби кормандони милитсия ҷавондухтари 19-солаи сокини ноҳияи Нуробод бо гумони содир намудани ҷинояти дуздӣ дастгир карда шуд.
Ҳамчунин, ба ШВКД дар ноҳияи Фирдавсӣ бо чунин мазмун аризаи зани 31-солаи сокини пойтахт ворид гардидааст, ки моҳи июли соли 2016, шахсони номаълум бо роҳи пинҳонӣ вориди хонаи истиқоматиаш шуда, аз он ҷо 1-адад яхдон, 1-адад китоби “Қуръони Карим” ва 1-адад оина, ки маблағи умумиашон 10000-сомониро ташкил медиҳад, дуздида аз ҷойи ҳодиса ғайб задаанд.
Зимни гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавони 24-солаи сокини шаҳри Кӯлоб ҳамчун гумонбар дар содир намудани ҷинояти дуздӣ дастгир карда шуд.
Ба ШВКД дар ноҳияи Рӯдакӣ низ аризаи марди 32-солаи сокини ш.Душанбе, дар он хусус ворид гардид, ки моҳи июли соли 2017, шахсони номаълум бо роҳи пинҳонӣ вориди амборхонааш, воқеъ дар н.Рӯдакӣ шуда, аз он ҷо ресмонҳои гуногун, ки маблағи умумиашон 30000-сомониро ташкил медиҳад, дуздида аз ҷойи ҳодиса ғайб задаанд.
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 49-солаи сокини ноҳияи Рӯдакӣ ҳамчун гумонбар дар содир намудани ҷинояти дуздӣ дастгир гардид.
Айни замон нисбат ба ин далелҳо парвандаҳои ҷиноятӣ оғоз гардида, тафтишот идома дорад.

назари худро нависед
Қаҳрамонҳои Тоҷикистон