Эрон мавзеъҳои тундгароёнро дар шарқи Сурия мушакборон кард

 

Сипоҳи посдорони инқилоби исломии Эрон ҳудуди Сурияро мушакборон кард. Мушакҳои болдори миёнапарвоз ба мавзеъҳои тундгароён дар шаҳри Дайр-аз-Зор дар шарқи Сурия партоб шуданд.

Бино бар иттилои низомиёни Эрон, дар ин минтақа ҷангҷӯёни гуруҳи тундгарои "Давлати исломӣ" ҷойгир буданд, ки дар теракти 7 июни шаҳри Теҳрон даст доштанд.

7 июн дар пойтахти Эрон ду гуруҳи террористон ба порлумон ва мақбараи асосгузори ҷумҳурии исломӣ оятулло Ҳумайнӣ ҳамла карданд. Дар ин ҳамла бештар аз 10 тан кушта ва наздики 40 каси дигар маҷруҳ шуд.

назари худро нависед
Қаҳрамонҳои Тоҷикистон