125 ҲАЗОР ТАМОШОБИН ДАР ЧАНД СОАТ! НАШРИ ШАКЛИ ПУРРАИ КЛИПИ ТАРОНАИ НОТАМОМИ БАҲРОМ ҒАФУРӢ ДАР ИҶРОИ ПИСАРАШ АНӮШ
Рӯзи 6 сентябр шакли пурраи клипи таронаи "Хона холист”-и Баҳром Ғафурӣ дар иҷрои писараш Анӯшервон (Анӯш) Ғафурӣ дар Ютуб нашр шуд. Ин клипро дар 7 соати аввал танҳо дар канали STV 125 ҳазор нафар тамошо кардаанд.Хона холист, хонаи мо,
Хонаи қашангу зебо.
Хона холист, ҳама сарсон,
Хона бе ту мисли зиндон...
Ин охирин таронаи овозхони ҷавонмарг Баҳром Ғафурӣ аст, ки рӯзҳои охирини қабл аз маргаш дар студия сабт мекард, вале бадбахтона, теғи аҷал имконаш надод, ки онро ба анҷом расонад. Овозхони шинохтаи тоҷик Баҳром Ғафурӣ субҳи 7 август дар натиҷаи як садама дар маркази Душанбе дар синни 44 ба ҳалокат расид.