Маъмурияти дипломатии Мудири Дафтари ҳамкории Швейтсария дар Тоҷикистон ба поён расид
Имрӯз Вазири корҳои хориҷии Ҷумҳурии Тоҷикистон Сироҷиддин Муҳриддин Мудири Дафтари ҳамкории Швейтсария дар Ҷумҳурии
Тоҷикистон хонум Валбурга Росро бино бар поён ёфтани маъмурияти дипломатиаш ба ҳузур пазируфт.
Дар ин бора АМИТ «Ховар» бо истинод ба Вазорати корҳои хориҷии Тоҷикистон хабар медиҳад.
Вазири корҳои хориҷӣ ба хонум Рос барои саҳми арзандааш дар тақвияти ҳамкории дуҷониба миннатдорӣ баён намуд.
Зимни гуфтугӯ ҷонибҳо инчунин ба аҳамияти идомаи робитаҳои дӯстӣ ва татбиқи лоиҳаҳои банақшагирифта таъкид карданд.
