Даргузашти писари 16-солаи Сураёи Қосим

 

             Эмомалиҷони Хуршед -- писари ягонаи овозхони маъруф тоҷик Сурайёи Қосим шаби 17 ба 18 апрел дар сини 16-солагӣ аз дунё даргузашт. Ба гуфтаи наздиконаш, маросими ҷанозаи Эмомалиҷони Хуршед имрӯз, 18 апрел дар зодгоҳаш шаҳри Кӯлоб баргузор мешавад. Садбарг Қосимова, хоҳари Сурайёи Қосим сешанеби 18 апрел ба Радиои Озодӣ гуфт, ки хоҳарзодааш дар шаҳри Душанбе даргузашт ва ҷасади ӯро шаби гузашта ба Кӯлоб оварданд. Садбарг Қосимова афзуд, ки Эмомалиҷон аз чанд сол ба ин тараф аз бемории саратони хун ранҷ мекашид ва шаби гузашта бемориаш хуруҷ кард ва пас аз чанд соат аз дунё даргузашт.

"Ҳамин шаб яку якбора мазааш гурехт ва тарки ин дунё кард. Шабона ҷасадро мо ба Кӯлоб овардем ва ҷанозааш дар зодгоҳ баргузор мешавад. Ҷиянам бемори саратон буд, ҳарчанд табобат кардем, аммо тақдир ҳамин будааст",-гуфт Садбарг Қосимова.

Сурайёи Қосимова 4 фарзанд -- 3 духтар ва як писар дошт. Ду духтари калонии ӯ, Ҳафизамоҳ ва Шабнами Сурайё аз шавҳари аввалаш ва дуи дигар -- Фарзона ва Эмомалиҷони Хуршед аз издивоҷи дувуми ин овозхон маъруф бо Хуршед Рабиев буд. Зимнан, Хуршед Рабиев -- писари раиси собиқи Кумитаи дин Ҳабибулло Рабиев моҳи сентябри соли 2013 даргузашт.

назари худро нависед
Қаҳрамонҳои Тоҷикистон