Таҷлили ҷашни байналмилалии Навруз дар шахри Берлини Олмон

 

Таҷлили ҷашни байналмилалии Навруз дар шахри Берлини Олмон


Рузи 26 марти соли 2017 бо ташаббуси Сафоратхонахои кишвархои хавзаи Навруз ва мусоидати шаҳрдории шаҳри Берлини Олмон ҷашни байналмилалии Навруз-2017 бо як шукӯҳи хосса дар Толори бузурги Осорхонаи этнологии шаҳри Берлин баргузор гардид.

Дар таҷлили ҷашни Наврузи имсола Сафорати Ҷумҳурии Тоҷикистон гӯшаи фарҳангӣ иборат аз маводҳои таҷассумгари фарҳанг ва таърихӣ миллӣ, маводҳои зиёди таблиғотӣ оид ба диёри афсонавӣ ва сайёҳии Тоҷикистони азиз ба маърази иштирокчиён гузошта шуд. Хамзамон барои меҳмонон ва ҳаводорони фарҳангу расму оини миллиамон суфраи наврӯзӣ бо хурокҳои миллӣ пешниҳод гардид.

Дар барномаи фарҳангии Ҷумҳурии Тоҷикистон оҳангсоз ва сарояндаи шинохтаи кишвар Фахриддини Малик сурудҳо дар васфи Тоҷикистон ҳамчун ватани наврӯз ва баҳори зебои диёрамонро тараннум карда, бо сурудҳои таваҷҷуҳбарангез кулли иштирокчиёнро ба ваҷд овард.

назари худро нависед
Қаҳрамонҳои Тоҷикистон