расонаи иттилии - Ориён » . » Ҷаҳон » Мақомоти Беларус роҳиби католикҳоро ба кишвар роҳ надоданд

. / Ҷаҳон

Мақомоти Беларус роҳиби католикҳоро ба кишвар роҳ надоданд


Тадеуш Кондрусевич, роҳиби католикҳои беларус

Марзбонҳои Беларус рӯзи душанбе нагузоштанд, ки роҳиби католикҳои беларус Тадеуш Кондрусевич ба кишвар ворид шавад. Кондрусевич дар сӯҳбат бо Радиои Озодӣ гуфт, ки ӯро нагузоштанд, ки аз марзи Полша ба Беларус ворид шавад. Дар изҳороти расмии калисои католикии Беларус омадааст, ки Кондрусевич як шаҳрванди Беларус аст ва дар Полша бо сафари хидматӣ қарор дошт. Сабаби рад шудани ҳақи вуруд ба кишварро шарҳ надоданд. Дар ҳафтаҳои ахир Кондрусевич чандин бор кори мақомоти ҳифзи қонуни Беларусро дар нисбати эътирозгарони натиҷаҳои интихоботи президентӣ интиқод кардааст. Дар Беларус интихоботи президентии рӯзи 9 август бо пирӯзии Александр Лукашенко анҷом ёфт, вале мухолифон гуфтанд, ки ин натиҷаҳо тақаллуб шудааст. Кондрусевич инчунин ба ҳалли сулҳомези бӯҳрони сиёсии Беларус даъват кардааст. Омори расмӣ мегӯяд, тахминан 1,4 миллион аҳолии Беларус ваё беш аз 10 дарсади аҳолӣ худро ба калисои католик мансуб медонанд.

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.