201 мушкил

Ниҳоят, дар бораи пойгоҳи 201-и Русия дар Тоҷикистон чӣ тавофуқе анҷом нашудааст, ки боз музокира кунанд? Созишнома баста шудааст. То соли 2041 (кӣ мурдаву кӣ зинда?) пойгоҳи 201-и Русия дар Тоҷикистон хоҳад буд. Муттаҳам ҳам ҳастем, ки мешунавем: “пойгоҳи 201 - кафили амнияти шумост!”. Инро намегӯянд, ки ба “шарофат”-и ҳамин пойгоҳ сармоягузорон аз мо фирор мекунанд. 
Ҳамоно боз барои пойгоҳи 201 чӣ имтиёз диҳем? Мешавад ҳадс зад, ки русҳо мехоҳанд 1) барои пуштибонии ҳавоии амалиётҳои ин пойгоҳ фурудгоҳи Айниро маҷҷонӣ диҳем ва ҳам 2) онҳоро дар умури ҳимояти марзи Тоҷикистону Афғонистон истифода кунем, де - факто, марзро дар ихтиёри онҳо гузорем. 
Агар фурудгоҳи Айнӣ дар ихтиёри Русия вогузор шавад, муносибатҳои мо бо Ҳинд чӣ хоҳад шуд? Ин кишвар ба 70 миллион доллар ин фурудгоҳро таъмиру таҷҳиз кардааст. Ҳинд ҳам дар Осиёи Марказӣ манфиат дорад, пеш аз ҳама, барои рақобат бо Покистону Чин ва ҳам тавсиаи ҳузури худ дар Осиёи Марказӣ. Саволи оддӣ: чаро Русия, Амрико, Эрон, Чин, Покистон ва Туркия дар Осиёи Марказӣ манфиат доштаанду Ҳинде, ки садҳо сол ба ин сӯ бо минтақа робитаи иқтисодиву фарҳангӣ дорад, набояд дошта бошад? Ҳинде, ки дар Афғонистон аз тоҷикон пуштибонӣ мекарду мекунад, амалан дӯсти Тоҷикистон аст. “Болои сӯхта намакоб” Русия имрӯз бо Покистон наздик шудааст. Агар мо дар ҷабҳаи Русия бошем, ин кишвари дӯстро меранҷонем.
назари худро нависед
Қаҳрамонҳои Тоҷикистон