Вакилони парлумон барои шарҳи паём ба минтақаҳо мераванд
Раиси парлумон аз онҳо дархост намуд, ки ба мушкилоти интихобкунандагон расидагӣ кунанд.
Бинои парлумони Тоҷикистон
Вакилони палатаи поёнии парлумони Тоҷикистон аз 15 то 25 март ҷиҳати шарҳи бандҳои паёи президенти ҷумҳурӣ Эмомалӣ Раҳмон ба парлумон ба минтақаҳои кишвар сафар мекунанд.
Зимни дар минтақаҳо қарор доштани вакилон ҳамчунин ният доранд, ки аз назари интихобкунандагон доир ба ҷараёни қонунофарӣ огаҳӣ ёфта, бо вазъи иҷтимоиву иқтиосдӣ ва мушкилоти аҳолӣ аз наздик шинос шаванд.
Ёдрас мекунем, ки президенти Тоҷикистон Эмомалӣ Раҳмон рӯзи 26 январи соли ҷорӣ паёми худро ба парлумон ироа кард.
Раиси Маҷлиси намояндагони Маҷлиси Олии Тоҷикистон Маҳмадтоир Зокирзода имрӯз аз вакилон дархост намуд, ки ба вохӯриҳо бо интихобкунандагон ҷиддӣ омодагӣ гирифта, ба мушкилоти онҳо гӯш андозанд ва ҳамаи бандҳои паёми президентро возеҳу равшан ба онҳо шарҳ диҳанд.