Боздошти ронандаи бадмасти фирорӣ
Рӯзи 8-уми феврали соли ҷорӣ, тахминан соати 01:00-дақиқа, ронандаи автомашинаи тамғаи «РХ 350» рақами қайди давлатиаш 9555 РР 03, Ҷурабеков Азизбек, соли таваллудаш 1992, сокини ноҳияи Ҷ.Балхӣ, дар ҳолати мастӣ автомашинаи мазкурро идора намуда, ҳангоми ҳаракат дар маркази ноҳияи мазкур, қоидаҳои ҳаракат дар роҳро дағалона вайрон менамояд ва аз уҳдаи идораи воситаи нақлиёт набаромада, ду нафар аз сокинони ноҳияи номбурда, Гулзода Музафар ва Маҳсуддизода Бохтоварро, ки дар канори роҳ қарор доштанд, пахш намуда, ба онҳо кумаки аввалиндараҷа нарасонида, аз ҷойи ҳодиса фирор кардааст, ки дар натиҷа ҷабрдидагон ҷароҳатҳои вазнини ҷисмонӣ бардоштаанд.
Дар натиҷаи пешбурди корҳои фаврӣ-ҷустуҷӯӣ ронандаи бадмаст аз ҷониби кормандони милитсия дастгир ва ба мақомоти милитсия дастрас карда шуд.
Зимни пурсиш Ҷурабеков Азизбек иброз дошт, ки дар ҳиқиқат санаи мазкур дар ҳолати мастӣ қарор доштаву аз уҳдаи идораи воситаи нақлиёт набаромада, пиёдагардонро пахш ва аз ҷойи ҳодиса фирор кардааст.
Вобаста ба ҳолати мазкур нисбати ронанда маводҳои лозима тартиб дода шуда, таҳқиқ ҷараён дорад.
Офоқ Қодириён
