Президенти Узбекистон фармони авфи 104 зиндониро имзо кард
Бахшида ба 28-солагии қабули Конститутсия, президенти Узбекистон Шавкат Мирзиёев фармони авфи 104 сокинеро имзо кард, ки дар муассисаҳои ислоҳӣ адои ҷазо мекунанд.
Аз ин шумор 6 тан комилан аз адои ҷазо озод, 50 тани дигар пеш аз муҳлат аз зиндон раҳо мешаванд ва ҷазои 7 тани дигар сабук мегардад.
Ба илова, муҳлати ҳабси 41 тани дигар кам карда мешавад.
Миёни касоне, ки дар авф дохил шудаанд, 13 шаҳрванди хориҷӣ, 9 марди аз 60-сола боло, 1 зан, 21 каси дигар, ки дар созмонҳои мамнуъ аъзо буданд, шомил ҳастанд.
Дар соли ҷорӣ ин бори чаҳорум аст, ки Мирзиёев фармони авф имзо мекунад.
