Ошкор шудани дуздии 2-адад муҳаррики барқӣ
Ба ШВКД дар шаҳри Ваҳдат мактуби роҳбарияти ҶСП “Фавз-Кемикал” ворид гардид, ки шаби 27 ба 28-уми ноябри соли 2020, тахминан соати 01:30-дақиқа, шахси номаълум бо роҳи пинҳонӣ ба бинои Ҷамъияти мазкур, воқеъ дар деҳаи Шӯри поёни шаҳри Ваҳдат даромада, аз он ҷо 2-адад муҳаррики барқии 7,5 КВ-ро дуздида, аз ҷойи ҳодиса ғайб задааст. Зарари расонидашуда 4 ҳазору 600 сомониро ташкил медиҳад.Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия марди 46-солаи сокини деҳаи Шӯри-поён, ки пеш бо моддаи 244 Кодекси ҷиноятии Ҷумҳурии Тоҷикистон суд шудааст, ба ҳайси гумонбари дуздӣ дастгир гардида, аз рӯи ин ҳодиса тафтишот идома дорад.