Пешгӯии даҳшатноки ТУТ: 70 дарсади инсоният гирифтори коронавирус мешавад

Пешгӯии даҳшатноки ТУТ: 70 дарсади инсоният гирифтори коронавирус мешавад

 Дар давоми ду рӯзи охир шумораи мубталоёни вируси "тоҷдор" анқариб то 20 ҳазор кас зиёд шуд. Афзоиши шумораи беморон бо методи нави ташхис, вобаста аст

Дар сурати сенарияи ғайримувофиқ эҳтимол аст, 66 дарсад (аз се ду ҳиссаи) мардуми сайёра бо вируси COVID-19 сироят шаванд. Дар ин бора рӯзи 13 феврал мушовири Ташкилоти ҷаҳонии тандурустӣ Айру Лонҷини гуфтааст, менависад "Известия".

Дар пешгӯии худ коршинос ба маълумоте такя мекунад, ки мувофиқи он ҳар гирифтори вирус дар шароити маъмулӣ ду-се каси дигарро сароят мекунад.

Бино ба гуфти Лонҷинӣ, агар ин нишондодро ду маротиба кам кунем ҳам, сеяки мардуми сайёра сироят хоҳад шуд.

 

Коршинос қайд мекунад, ки карантин метавонад суръати паҳншавии вирусро кам кунад, вале чунин чораҳо бо таъхир, пас аз паҳншавии вирус дар дигар шаҳрҳои Чин ва берун аз он, андешида шуд.

Рӯзи панҷшанбе, ҳукумати музофоти Ҳубей афзоиши сироятшудагонро ба қайд гирифт. Онҳоеро, ки пештар сиҳат арзёбӣ мекарданд, ҳамакнун сиироятёфта эълон намуданд. Афзоиши шумораи беморон бо методи нави ташхис, вобаста аст.

 

Ҳамин тавр, рӯзи 12 феврал дар бораи 45 ҳазор сироятёфта ва имрӯз бошад дар бораи 64 430 гуфта мешавад.

Шумораи фавтидагон, рӯзи 12 феврал - 1 383 нафар имрӯз -  6,8 ҳазор гуфта мешавад.

Вируси "тоҷдор"

Авохири моҳи декабр мақомоти Чин аз бурузи маризии илтиҳоби шуш бо нишонаҳои номаълум дар шаҳри Вуҳан хабар доданд.

Сипас муайян шуд, ки барангезандаи ин маризӣ коронавирус - 2019-nCoV мебошад. Нахустин мубталоёни ин вируси навро дар шаҳри Вуҳани Чин пайдо карданд. 

Вирус зуд берун аз шаҳр ва кишвар паҳн гардид.

Феълан гирифторони короноврус дар Фаронса, Италия, Олмон, ИМА, Австралия, Вьетнам, Гонконг, Ҳиндустон, Малайзия, Макао, Непал, Канада, Сингапур, Таиланд, Тайван, Ҷопон, Филиппин, Финляндииӯя, Куреи Ҷанубӣ ва Украина ба қайд гирифта шудаанд.



Read more: https://sputnik-tj.com/health/20200214/1030715852/Peshgui-dahshatnok-TUT-70-darsad-insoniyat-giriftor-koronavirus.html

назари худро нависед
Қаҳрамонҳои Тоҷикистон