Мулло Абубакр / Писарам барои Ватан мардона ҷон дод (ВИДЕО)

Мулло Абубакр / Писарам барои Ватан мардона ҷон дод (ВИДЕО)

 

Иззатулло Латифов, яке аз қурбониёни ҳамла ба дидбонгоҳи "Султонобод", рӯзи 7-уми ноябр дар маҳаллаи Қазоқони шаҳри Душанбе дафн карда шуд. Пайвандонаш гуфтанд, ӯ 25 сол дошт ва пас аз адои хидмати ҳарбӣ ҳамчун афсари қарордодӣ дар қисми марзбонии "Султонобод" кор мекард. Се моҳ пеш издивоҷ кардааст. Вале мақомот тафсилоти чӣ гуна кушта шудани ӯро ба наздиконаш нагуфтаанд.

Латифов дар хонаводаи рӯҳонӣ бузург шуда, падараш Абубакр Латифов яке аз аъзои даҳнафарии муассисони масҷиди "Қазоқон" аст. Абубакр Латифов пас аз дафни писараш гуфт, ӯ рӯзҳои ахир ба маросими савгандёдкунии сарбозон омодагӣ медид. Ин маросим бояд рӯзи 6-уми ноябр баргузор мешудааст.

Падари марзбони кушташуда гуфт, писараш се рӯз пеш ба хона омада буд ва панҷ соат қабл аз ҳодиса низ бо ӯ телефонӣ суҳбат кардааст. “Гуфт, ки бояд ба сарбозон хӯрок барад. Дар фикри сарбозоне буд, ки нав ба артиш омадаанд ва мегуфт, бояд онҳоро тарбия кард. Дар маҳалли хидмати писарам нохушӣ рӯй дод ва фарзанди ман қаҳрамонона ҳалок шуд,” – афзуд ӯ.

назари худро нависед
Қаҳрамонҳои Тоҷикистон