Макгрегор ба Русия мекӯчад?: ӯ гуфт тамринро дар Маскав идома медиҳад

Макгрегор ба Русия мекӯчад?: ӯ гуфт тамринро дар Маскав идома медиҳад

 Размикори ирландӣ Конор Макгрегор изҳор намудаст, ки бори дуввум ба Маскав омадаст ва ҳоло тасмим дорад дар ин ҷо замин харидорӣ кунад

Конор Макгрегор азм намудаст, дар Маскав ба идомаи тамрин машғул мешавад ва ҳамзамон аз пойтахти Русия замин харидорӣ мекунад.

"Ман забони русиро намедонам. Бисёр хушманд ҳастам, ки маротиба дуюм ба Русия омадам ва акнун ният дорам, ки бо ин кишвар аз наздик шинос шавам. Зимнан мехоҳам аз ин ҷо замин бихарам. Дар оянда мехоҳам дар Русия тамрин кунам. Маскав бисёр шаҳри зебо аст ва ман барои худ дар ин ҷо хона месозам",  - изҳор намудаст Макгрегор дар нишасти хабарӣ.

Ёдовар мешавем, ки размикори ирландӣ Конор Макгрегорро Ҳабиб Нурмуҳаммедов соли гузашта шикаст дод ва қаҳрамони UFC дар вазни сабук гардид.

Пас аз шикаст хӯрдан, Конор изҳор намуд, ки тарки варзиш мекунад ,вале бо гузашти чанде аз бозгашти худ ба ин намуди варзиш хабар дод.

Зимнан, бояд гуфт, ки Макгрегор дар шаҳри Тошканд низ нишасти хабарӣ баргузор кард ва аз он ҷо озими шаҳри Маскав шуд.

Ба изҳори ин варзишгар, муҳорибаи навбатии ӯ 18 январи соли 2020 дар Лас-Вегас баргузор мешавад.

Гузашта аз ин,  Макгрегор ваъда дод, ки бо Ҳабиб ҳатман дар майдон вомехӯрад.



Read more: https://sputnik-tj.com/sport/20191024/1030097701/makgregor-ba-Rusiya-mekchad-tamrin-Maskav-idoma-medihad.html

назари худро нависед
Қаҳрамонҳои Тоҷикистон