Дар Волгоград аз чаҳор муҳоҷири заҳролудшудаи тоҷик як нафар ҷон бохт

Дар Волгоград аз чаҳор муҳоҷири заҳролудшудаи тоҷик як нафар ҷон бохт

 Заҳролудшавии муҳоҷирони меҳнатӣ дар деҳаи Дубовка шаби дирӯз рух додаст. Муҳоҷирон ба хотири гарм шудан дар макони зисташон, дар тағорача ҳезум ҷамъ карда оташ даргиронданд

 Ба иттилои сомонаи Новости Волгоград, чаҳор муҳоҷири меҳнатӣ - шаҳрвандони Тоҷикистонро корфармои онҳо субҳи имрӯз дар манзили иқоматашон, ки дар назди бинои сохтмонии қаҳвахона ҷойгир будаст, дар ҳолати беҳушӣ пайдо кардаст.
Пизишкони ёрии таъҷилӣ пас аз ба ҷойи ҳодиса ҳозир шудан, маълум намуданд, ки муҳоҷири 37 сола тоҷик аллакай аз дуди ғализ ҷони худро аз даст додаст ва се тани дигарро фавран ба беморхона интиқол доданд.

Манбаъ меафзояд, чун ҳаво хунук шудааст ва хоначаи муҳоҷирон беҳар сард буд, аз ин рӯ онҳо хостанд бо даргирондани оташ, худро аз хунукии шадид эъмин нигоҳ доранд.

Муҳоҷирон ба ин хотир дар тағораи ҳаммом ҳезум ҷамъ намуда оташ андохтанд, вале то саҳар аз дуди ғализи он заҳролуд шуданд.

Раёсати тафтишотии вилояти Волгоград феълан аз рӯйи ҳодисаи мазкур тафтишот бурда истодааст.

Ба маълумоти раёсати мазкур муҳоҷири ҳалокшуда шаҳрванди Тоҷикистон буда, чанде қабл ба муҳоҷират омада буд.



Read more: https://sputnik-tj.com/migration/20190925/1029923518/volgograd-chahor-muhojir-zaroludshuda-yak-nafar-jon-bokht.html

назари худро нависед
Қаҳрамонҳои Тоҷикистон