расонаи иттилии - Ориён » . » Иқтисодиёт » Моҳи октябр Тоҷикистон ба ҳамсоякишварҳо ба $2 млн барқ фурӯхт

. / Иқтисодиёт

Моҳи октябр Тоҷикистон ба ҳамсоякишварҳо ба $2 млн барқ фурӯхт

Дар ин вақт сокинон дар дохили ҷумҳурӣ соатҳо аз интиқоли барқ маҳрум буданд.

ШСХК “Барқи тоҷик” интиқоли барқро ба кишварҳои ҳамсоя дар моҳи октябр идома дод ва ин ҳам дар ҳоли маҳдудияти интиқоли барқ ба истеъмолгарон дар дохили кишвар.
Мувофиқи маълумоти омори расмӣ, моҳи октябр аз Тоҷикистон ба хориҷи кишвар ба маблағи ҳудуди 2 млн доллар неруи барқ содирот шудааст, ки 1,6 млн доллар камтар нисбат ба моҳи октябри соли 2019 мебошад.

Дар бораи ба кадом кишварҳо ва дар кадом ҳаҷм содирот шудани неруи барқ дар моҳи гузашта маълумот дода намешавад.
Бозорҳои асосии содироти барқи Тоҷикистон Афғонистону Ӯзбекистон маҳсуб ёфта, ба миқдори начандон зиёд барқ аз ҷумҳурӣ ба Қирғизистон низ интиқол дода мешавад.
Қаблан дар ширкат қайд карда буданд, ки дар робита ба норасоии об, имсол истеҳсоли барқ дар ҷумҳурӣ кам шудааст.
Тибқи маълуомти “Барқи тоҷик”, давоми моҳҳои январ-октябри соли равон зиёда аз 16,1 млрд кВт/соат неруи барқ истеҳсол шудааст, ки нисбат ба ҳамин давраи соли гузашта 5,1% камтар мебошад.
Маблағи бадастомада аз фурӯши барқ дар зарфи 10 моҳи соли ҷорӣ 50,3 млн долларро ташкил додааст, ки 39 млн доллар камтар аз ҳамин давраи соли гузашта аст.

Бозгашти лимит

Тайи се соли ахир пас аз мавриди истифода қарор гирифтани Маркази барқу гармидиҳии “Душанбе-2” ва ду агрегати аввали неругоҳи Роғун, таъминот бо барқ дар ҷумҳурӣ ба таври назаррас беҳтар шуд.
Аммо моҳи сентябри соли ҷорӣ шикояти сокинони минтақаҳои деҳот аз тез-тез ва ба муҳлатҳои тӯлонӣ қатъ шудани интиқоли барқ оғоз гардид.

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.