. / Иқтисодиёт
Хӯрокворӣ дар Тоҷикистон имсол қариб 10% қимат шуд
Билетҳои ҳавопаймоӣ - 30%.
Сурат: news.tajweek.tjСатҳи таваррум дар бозори истеъмолии Тоҷикистон давоми моҳҳои январ-октябри соли равон 7%-ро ташкил дод, хабар медиҳад Агентии омори назди президенти Тоҷикистон.
Аз ҷумла, арзиши маҳсулоти хӯрокворӣ ба андозаи 9,6% ва маҳсулоти ғайриозуқа - 4,4% боло рафт.
Ҳукумати Тоҷикистон мизони таваррумро то охири сол дар сатҳи 7% нигоҳ доштанист. Аммо Бонки ҷаҳонӣ сатҳи таваррумро соли 2020 дар Тоҷикистон 10% пешгӯйӣ мекунад.
Қобили зикр аст, ки як сол пеш нарху тарифҳо дар Тоҷикистон ба миқдори 8% боло рафта буданд.
Чӣ аз ҳама зиёдтар қимат шуд?
Маҳсулоти хӯрокворӣ:Шакар (қанд) – 37,8%;
Равған – 21,6%;
Маснуоти нонӣ – 12,2%;
Картошка – 11,2%;
Гӯшт – 5,7%.
Маҳсулоти ғайриозуқа:
Воситаҳои шустан – 8,6%;
Маҳсулоти дорусозӣ – 7,6%;
Масолеҳи сохтмон – 7,4%;
Ангишт - 6,8%;
Қисмҳои эҳтиётии нақлиёт – 6%;
Матоъ – 5,5%;
Гази моеъ – 4,5%.
Хизматрасониҳои пулакӣ:
Нархи роҳкирои сафар бо нақлиёти ҳавоӣ – 30%;
Хизматрасониҳои маишӣ – 4,16%.
Соли 2019 нархи маҳсулот чӣ қадар боло рафт?
Таваррум дар бахши истеъмолии Тоҷикистон соли гузашта ба нишондиҳандаи рекордӣ тайи ҳафт соли охир – 8% расид. Арзиши чиҳо аз ҳама бештар гарон шуд?
