Оғози парвозҳои “Сомон Эйр” ба фурудгоҳи Жуковский

Самолет авиакомпании Сомон Эйр, Ð°Ñ€Ñ Ð¸Ð²Ð½Ð¾Ðµ фото

Ширкати ҳавоии “Сомон Эйр” парвозҳоро аз Душанбе ба самти фурудгоҳи Жуковскии вилояти назди Маскави Русия оғоз намудааст. Инчунин ширкат тасмим дорад, парвозҳояшро аз Кулоб ба самти ҳамин фурудгоҳ ба роҳ монад

 Ширкати ҳавоии Тоҷикистон “Сомон Эйр” парвозҳоро аз Тоҷикистон ба фурудгоҳи Жуковскии вилояти назди Маскав оғоз намудааст, иттилоъ додааст хабаргузории ТоҷикТА.

Ширкати мазкур ҳоло парвозҳояшро аз Душанбе ба фурудгоҳи мазкур оғоз намуд. Инчунин ширкат тасмим дорад, парвозҳояшро аз Кулоб ба самти ҳамин фурудгоҳ ба роҳ монад.  

“Ҳавопаймоҳои ширкат аз Душанбе ба самти фурудгоҳи Жуковский дар як ҳафта се маротиба парвоз хоҳанд кард. Парвозҳо дар рӯзҳои чоршанбе, панҷшанбе ва шанбе сурат мегиранд. Парвозҳо аз Кулоб ба самти фурудгоҳи Жуковский, қарор аст аз моҳи декабри соли равон, дар рӯзҳои сешанбе чоршанбе ва панҷшанбе анҷом дода мешаванд”, - таъкид карааст дафтари матбуоти ширкати “Сомон Эйр”.  

Дар ҳамин ҳол Ширкати “Сомон Эйр” эълон намудааст, ки парвозҳояш аз Душанбе ва Хуҷанд ба самти фурудгоҳи Домодедовои шаҳри Маскав идома меёбанд.

Фурудгоҳи Жуковский дар вилояти назди Маскави Русия соли 2016 ба кори худ оғоз карда буд.

Аз фурудгоҳи мазкур ҳавопаймоҳои ширкати "Уральские авиалинии" ва Pegas Fly, ширкати қирғизии Avia Traffic Company ва Air Manas, ширкати "Белавиа" Белорус, ширкати туркии Onur Air ва SunExpress ва акнун ширкати ҳавоии Тоҷикистон "Cомон Эйр" парвоз мекунанд.

Ҳавопаймоҳо аз фурудгоҳи Жуковский бештар ба самти кишварҳои ҳамсуд парвоз мекунанд.

 

назари худро нависед
Қаҳрамонҳои Тоҷикистон