расонаи иттилии - Ориён » . » Ҷаҳон » Шумори қурбониёни заминларза дар Туркия ба 73 нафар расид

. / Ҷаҳон

Шумори қурбониёни заминларза дар Туркия ба 73 нафар расид

Ин ҳодиса дар баъзе ҷазираҳои Юнон низ эҳсос шуд.

Сурат: Reuters
Шумори фавтидагон аз заминларза дар ғарби Туркия то 73 нафар афзуд, иттилоъ медиҳад хабаргузории РИА Новости бо истинод ба Агентии ҳолатҳои фавқулода ва офатҳои табиии ин кишвар.
“Тибқи маълумоти ахир, бар асари заминҷунбӣ 73 нафар ҳалок шуда, 961 каси дигар осеб диданд”, - қайд мешавад дар хабар.
Рӯзи ҷумъаи ҳафтаи гузашта дар қимати ғарби Туркия заминларза бо қувваи 6,6 балл рух дод, ки маркази он дар наздикии вилояти Измир воқеъ буд. Дар бораи осеби ҳадди ақал 20 бинову иншоот дар ин ҷо хабар дода шуд.
Заминларза дар ҷазираҳои Юнон низ ба мушоҳида расид. Дар ҷазираи Самоси ин кишвар бар асари он 2 нафар ҳалок шуда, 20 кас ҷароҳат бардоштаанд.

Президенти Тоҷикистон Эмомалӣ Раҳмон дар робита ба ин ҳодиса ба президенти Туркия Реҷеп Тайип Эрдоган барқияи изҳори тасаллӣ фиристод.
Дар барқияи сарвари давлати Тоҷикистон зикр шуд, ки мардуми Тоҷикистон аз хабари ба ҳалокат расидан ва осеб дидани мардум, ҳамчунин харобиҳои зиёд бар асари заминларзаи шадид дар Туркия андӯҳгинанд.
“Дар ин зимн ҳамдардиву тасаллии самимии ин ҷонибро ба мардуми дӯсти Туркия иброз дошта, ба аҳли пайвандону наздикони қурбониёни ин офати табиии фоҷеабор сабри ҷамил ва барои ҳамаи осебдидагон шифои комил хоҳонам”, - омадааст дар барқияи Эмомалӣ Раҳмон.

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.