ГУЛ ШЕРАЛӢ: ПИСАРУ ДОМОДИ МАРО БЕАСОС ҲАБС КАРДАНД (САДО BA 16 AKC)

ГУЛ ШЕРАЛӢ: ПИСАРУ ДОМОДИ МАРО БЕАСОС ҲАБС КАРДАНД (САДО BA 16 AKC)

Гул Шералӣ, собиқ вазири энергетика ва саноати Тоҷикистон мегӯяд, мақомоти корҳои дохилӣ писару домодашро беасос ҳабс кардаанд. Ба гуфтаи Гул Шералӣ, писараш Диловар Гулов баракс нозирони милисаро, ки бо як нафар муноқиша доштанд, халос кардааст. Додгоҳи ноҳияи Шоҳмансур ахиран 13 нафар, бо шумули писару домод ва ронандаи Шералӣ Гулро бо ҷурми майдаавбошӣ ба мӯҳлати аз 5 то 15 рӯз ҳабс кард.

Гул Шералӣ, собиқ вазири энергетика ва саноати Тоҷикистон рӯзи 13 март ба ҳукми ҳабси маъмурии писару домодаш вокуниш кард. Ин узви собиқи ҳукумат ва қудои раисиҷумҳури Эмомалӣ Раҳмон дар мусоҳиба бо радиои ба мақомоти Тоҷикистон наздики "Озодӣ” гуфт, писари ӯ баракс нозирони милисаро, ки дар назди театри опера ва балет бо кадоме муноқиша доштанд, халос кардааст.

Гул Шералӣ мегӯяд: "Ҷанҷол-панҷол шудагӣ нест. Халос кардааст. Он ППС-чиҳо боз баёнот навиштаанд, ки моро агар Диловар халос намекард, моро мекуштанд. Утарӣ гап шудагӣ аст дар он ҷо. Баъд инҳо мебаранд, протокол мекунанд. Он домоди моро рафта, аз хонааш мехезонанд, як одами бегуноҳ, дар ягон кор иштирок кардагӣ нест, ӯро ҳам гирифта меоранд. Хайр, он шофёрро навиштаанд, Саидакрамов шофёри Гулов аст, шофёр-пофёр надорам ман. Ҳамааш айби мақомоти корҳои дохилӣ аст, туғрӣ намесанҷанд, кори ҳалол надоранд охир. Мо ҳамин қадар кор кардем, касеро ягон кор накардем. Аз пушти мо қасдгирӣ мекарда бошанд, намедонам, чӣ кор мекарда бошанд, чӣ гап бошад. Ман нарафтам, гуноҳ агар карда бошад, ҷавобашро бигӯяд.”

 

 

Гул Шералӣ дар ин сӯҳбат афзудааст, ки ба иттиҳоми эълонкардаи мақомот бовар надорад ва асли қазия, ба бовари ӯ, тамоман дигар аст"Асли воқеа ин аст, ки шаби 10-уми март дар назди Театри опера ва балет як нафар бо нозирони роҳ муноқиша доштааст. Диловар рафта, онҳоро ҷудо мекунад ва ба он одам мегӯяд, ки чаро ҳамроҳи милисаҳо хархаша мекунад? Баъдан мехоҳад биравад. Аммо маъмурони милиса ӯро дошта гуфтаанд, ки баёнот навис. Диловар нозирони роҳро халос кардааст. Дар онҷо ҳамин қадар гап шудааст."

Ин дар ҳолест, ки раёсати корҳои дохилии шаҳри Душанбе фарзияи комилан дигар дорад. Бино ба гузориши ин ниҳод, 13 нафар ҷавонон тахминан соатҳои 4 ба 5-и субҳи 10 марти соли ҷорӣ дар дохили тарабхонаи «Галакси», воқеъ дар ноҳияи Исмоили Сомонии шаҳри Душанбе муноқиша бо истифода аз дашному ҳақоратҳои қабеҳ сурат гирифт. Онҳо ҳатто баъди ба ҷои ҳодиса омадани кормандони милиса, онҳоро писанд накарда, ба муноқишаашон идома додаанд ва ба талаботи қонунии кормандони милитсия итоат накарданд.

Дар натиҷа гуруҳи оперативӣ-тафтишотӣ ба ҷои ҳоди расида, 13 ҷавонеро, ки ба ҳаракатҳои майдаавбошӣ даст заданд, дастгир карданд. Ба зидди онҳо бар асоси моддаи 460 Кодекси ҳуқуқвайронкунии маъмурии Ҷумҳурии Тоҷикистон (майдаавбошӣ) парвандаҳои маъмурӣ тартиб дода шуда, ҳар кадоме бо Қарори Суди ноҳияи Шоҳмансури шаҳри Душанбе ба муҳлатҳои аз 5 то 15 шабонарӯз ба ҳабси маъмурӣ гирифта шуданд.

Якк манбаи "Ахбор” дар додгоҳи ноҳияи Шоҳмансури шаҳри Душанбе хабар дод, ки додгоҳ Диловар Гулов, Дилшод Нуруллозода, Давлатшо Саидакрамов – писару домод ва ронандаи вазири собиқи энергетика ва саноати Тоҷикистон Шералӣ Гулро дар қатори 13 нафар бо ҷурми майдаавбошӣ ба муҳлати аз 5 то 15 рӯз маҳкум ба ҳабси маъмурӣ кард. Аз ҷумла Диловар Гулов ба 5 рӯзи ҳабс маҳкум шудааст.

Раёсати корҳои дохилии шаҳри Душанбе рӯзи 13 март дар сомонаи расмиаш - http://dushanbepolice.tj/ - акси ин 13 нафарро нашр карда, вале аз хонаводаи шахсони пурнуфуз будани онҳоро зикр накардааст. Раёсати корҳои дохилии шаҳри Душанбе мегӯяд, ҳоло ин 13 нафарро дар ҳабси маъмурӣ ба корҳои ҷамъиятӣ сафарбар кардаанд. Дар аксҳои нашркардаи раёсати дохилаи Душанбе дида мешавад, ки онҳо ба побели заминҳо ва рӯфтани ҳавлӣ машғуланд.

Ин бори аввал нест, ки исми Диловар Гулов бо кирдорҳои ғайриқонуниаш дар сархати хабарҳо қарор мегирад. Моҳи октябр Диловар Гулов дар як чунин занозанӣ дар як клуби шабонаи Душанбе вирди забонҳо шуд. Ду моҳ пеш дар бораи як садамаи нақлиётӣ бо ширкати Диловар Гулов ва фирори ӯ аз ҷои ҳодиса хабарҳо нашр шуда буд.

Матни пурраи гузориши маркази матбуоти РВКД Душанберо инҷо бихонед:

http://dushanbepolice.tj/2018/03/%D0%BC%D0%B0%D0%B9%D0%B4%D0%B0%D0%B0%D0%B2%D0%B1%D0%BE%D1%88%D0%BE%D0%BD-%D0%B1%D0%B0-%D0%BA%D0%BE%D1%80%D2%B3%D0%BE%D0%B8-%D2%B7%D0%B0%D0%BC%D1%8A%D0%B8%D1%8F%D1%82%D3%A3-%D2%B7%D0%B0%D0%BB%D0%B1/

 

 

Майдаавбошон ба корҳои ҷамъиятӣ ҷалб шудаанд

 

Чун шаҳри Душанбе, ки аз ҷониби созмонҳои бонуфузи байналмиллалӣ ба яке аз 10 пойтахтҳои ороми ҷаҳони муосир шомил гардидааст, мақомотҳои ҳифзи ҳуқуқ ва сохторҳои қудратӣ, аз ҷумла Раёсати ВКД дар шаҳри Душанбе пайваста талош мекунад, ки оромиву тартибот ва амнияти сокинон ва меҳмонони шаҳри Душанбе таъмин бошад. Бинобар ҳамин мақомоти корҳои дохилии шаҳри Душанбе бо ба роҳ мондани фаъолияти шабонарузӣ қотеъона изҳор менамояд, ки ҳамеша кафили оромиву осудаҳолии мардуми пойтахти кишвар мебошад.
Мавриди зикр аст, ки маҳз бо кушишҳои пайвастаи роҳбарияти олии кишвар ва Мақомоти иҷроияи ҳокимияти давлатии шаҳри Душанбе рушди бомароми соҳаҳои иқтисодию иҷтимоии пойтахт ҳамасола боло рафта, дар натиҷаи меҳнати фидокоронаи мардуми шарафмандаш давоми солҳои соҳибистиқлолии Ҷумҳурии Тоҷикистон дар ҳудуди шаҳри Душанбе садҳо муассисаҳои истеҳсолӣ, фарҳангиву фароғатӣ ва иҷтимоӣ, маданиву маишӣ ва таълимӣ, варзишӣ ва ҳифзи саломатӣ, ҳамчунин кӯчаю хиёбонҳои зебоманзар бунёд ва мавриди баҳрабардорӣ қарор дода шуданд.
Баъзе ҷавонони худхоҳ, ки ҳатто дар замирашон ҳисси бунёдкориву созандагӣ вуҷуд надорад, ба ҷои он ки аз ин неъматҳои бунёдгардида самаранок ва бо риояи қатъии одоби шаҳрвандӣ истифода баранд, баръакс муассисаҳои маданиву маишӣ ва фароғатиро ба макони баҳсу мунозира ва ҳалли проблемаҳои шахсиву гуруҳӣ қарор медиҳанд.
Чунин як кирдори зиддиҳуқуқӣ, аз қабили баёни суханҳои қабеҳ ва дашному ҳақорат байни 13 нафар ҷавонон тахминан соатҳои 4 ба 5-и субҳи 10 марти соли ҷорӣ дар дохили тарабхонаи «Галакси», воқеъ дар ноҳияи Исмоили Сомонии шаҳри Душанбе содир гардид. Баъди ба ҷои ҳодиса ҳозир гардидани кормандони милитсия ҷавонон боз ба ҳаркатҳои ғайриқонуниашон идома дода, ба талаботи қонунии кормандони милитсия итоат накарданд.
Сипас гуруҳи оперативӣ-тафтишотӣ ба ҷои ҳодиса ҳозир гардида, 13 нафар ҷавононро, ки ба ҳаракатҳои майдаавбошӣ даст задаанд, ба мақомоти милитсия дастрас намуданд.
Дар натиҷа нисбати ҳар кадоме аз онҳо бо дастрасии моддаи 460 Кодекси ҳуқуқвайронкунии маъмурии Ҷумҳурии Тоҷикистон (майдаавбошӣ) парвандаҳои маъмурӣ тартиб дода шуда, ҳар кадоме бо Қарори Суди ноҳияи Шоҳмансури шаҳри Душанбе ба муҳлатҳои аз 5 то 15 шабонарӯз ба ҳабси маъмурӣ гирифта шудаанд.

 

Инҳо:

1.Қодиров Абдулло Хайруллоевич соли таваллудаш 19.10.1985 сокини шаҳри Душанбе;

 

2.Маҳмадиев Маҳмадраҷаб Илҳомидинович соли таваллудаш 07.01.1992, сокини шаҳри Душанбе;

 

 

3.Ҷумаев Искандар Салимович соли таваллудаш 1986, сокини шаҳри Душанбе;

 

 

4.Аҳлиддини Додарбек соли таваллудаш 01.02.1991 сокини шаҳри Душанбе;

 

 

5.Гулов Диловар Шералиевич соли таваллудаш 18.04.1996 сокини шаҳри Душанбе;

 

6.Давлатшоев Саидакрам Абдуллоевич соли таваллудаш 15.04.1992 зода ва сокини ноҳияи Данғара;

 

7.Нуруллозода Дилшод соли таваллудаш 15.07.1991 зода ва сокини шаҳри Ҳисор;

 

 

8.Тағоев Темур Усмонович соли таваллудаш 06.08.1978 сокини шаҳри Душанбе;

 

9. Ашуров Набиҷон Ҷумахонович 25.08.1995 сокини шаҳри Кулоб;

 

 

10.Умаров Акмал Акбарович соли таваллудаш 06.04.1996 сокини шаҳри Душанбе;

 

 

11.Абдуллоев Раҳматулло Маҳмадуллоевич соли таваллудаш 26.04.1986 сокини шаҳри Душанбе;

 

 

12.Раҳматов Акмал Акрамович соли таваллудаш 1993 сокини шаҳри Душанбе;

 

 

13.Раҳматов Акбар Акрамович соли таваллудаш 07.01.1996 сокини шаҳри Душанбе.

 

Моддаи 460. Майдаавбошӣ


Барои дар ҷойҳои ҷамъиятӣ дашном додан, ба таври таҳқиромез дарафтодан ба одамон, ҳамчунин содир намудани дигар кирдорҳои ба ин монанд, ки тартиботи ҷамъиятӣ ва осудагии одамонро халалдор мекунад, -ба андозаи аз ҳафт то даҳ нишондиҳанда барои ҳисобҳо ҷарима ё ҳабси маъмурӣ ба мўҳлати аз панҷ то понздаҳ шабонарӯз ҷазо таъин карда мешавад.

 

Айни ҳол номбурдагон дар ҳабси маъмурӣ қарор дошта,ба корҳои ҷамъиятӣ ҷалб карда шудаанд.

 

назари худро нависед
Қаҳрамонҳои Тоҷикистон