Иди “Меҳргон” ва Намоиш-фестивали биринҷ дар Душанбе
Иди “Меҳргон” дар кишвар аз соли 2009 ҷашн гирифта мешавад.
Дар Боғи фарҳангию фароғатии ба номи Абулқосим Фирдавсии пойтахт рӯзи 18 октябр Иди Меҳргон ва Фестивал-намоиши шолӣ ва биринҷ доир мегардад.
Ин чорабиниҳо аз ҷониби Вазорати кишоварзии ҷумҳурӣ дар ҳамдастӣ бо шаҳрдории Душанбе гузаронида мешавад.
Деҳқонони мамлакат маҳсулоти тару тозаи кишоварзӣ, аз ҷумла навъҳои гуногуни зироати кишоварзӣ ва сабзавоту меваро бо нархҳои дастрас ба мардум пешкаш мекунанд.
Инчунин кадбонуҳо хӯрокҳои миллӣ пухта, ҳунармандони мардумӣ маҳсули дастони худро ба сокинон ва меҳмонони пойтахт манзур мегардонанд. Ҳамчунин баргузори барномаи фарҳангӣ низ дар назар аст.
Соли 2019 ҳукумати Тоҷикистон дар бораи эҳё кардани иди деҳқонон - “Меҳргон”, ки аз анҷоми ҷамъоварии ҳосил гувоҳӣ медиҳад, қарор қабул кард.
