расонаи иттилии - Ориён » Асосӣ » ДОДГОҲИ РУСИЯ ҚОТИЛИ МУҲОҶИРИ ТОҶИКРО САФЕД КАРД

Асосӣ / Ҷомеа

ДОДГОҲИ РУСИЯ ҚОТИЛИ МУҲОҶИРИ ТОҶИКРО САФЕД КАРД

ДОДГОҲИ РУСИЯ ҚОТИЛИ МУҲОҶИРИ ТОҶИКРО САФЕД КАРД 
Додгоҳи ноҳияи Ивановои Русия Александр Краснов, як соҳибкор аз шаҳри Кохмаро, ки ба куштори муҳоҷири тоҷик дар тобистони соли 2021 айбдор мешуд, сафед кард. Барои ин аввал рӯзи 2 феврали соли 2024 иттиҳоми кушторро дар парвандаи Краснов бо дахолати раиси Кумитаи тафтишоти Русия Александр Бастрикин ба моддаи ҷазояш хеле сабуктари  “берун рафтан аз ҳадди дифоъ аз худ” иваз карданд ва додгоҳ алакай рӯзи 12 феврал ҳукм баровард, ки дар “дар кирдори Краснов аломатҳои ҷиноят дида намешавад”. Парвандаи Краснов, ки бо номи “тирандози Кохма” ном баровардааст, нахустин мавриди аз куштор ба “берун рафтан аз ҳадди дифоъ аз худ” иваз кардани айбнома дар таърихи додгоҳҳои Русия будааст.
Ба ин тартиб, Краснов барои қатли муҳоҷири тоҷик ҳамагӣ 7 моҳро паси панҷара ба сар бурд.
Расонаҳои Русия ҳукми додгоҳро ҳамчун “тантанаи адолат” ба қалам медиҳанд, вале ин парванда суолҳои зиёдеро беҷавоб боқӣ мегузорад.
Як суол ин аст, ки агар нафаре, ки Краснов кушт, муҳоҷири тоҷик нею шаҳрванди Русия мебуд, оё додгоҳ ӯро сафед мекард? Ва оё чӣ гуна метавон нафареро, ки масти лояқил болои издиҳом оташ кушод, сафед кард. Он шаби тобистони соли 2021 Краснов писарашро ба артиш гусел мекард ва ҳам ӯву ҳам ҳамаи меҳмононаш маст буданд.
Дар айни замон, додгоҳ Довуд Остонақулов ва ҳамватани ӯ Рустам Латиповро дар “авбошии гуруҳӣ” гунаҳкор шинохта, мутаносибан ба 5 ва 4 соли зиндон маҳкум кард.
Ана чунин аст адолати судӣ дар Русия дар тафсири Бастрикин...
Дар зиндонҳои Русия беш аз 7 ҳазор зодаи Тоҷикистон адои ҳукм мекунанд. Кӣ медба ном “адолати додгоҳӣ дар тафсири Бастрикин” шудаанд?

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.