ИМА ва Канада истихроҷи нафту газро дар Уқёнуси Яхбастаи Шимолӣ ва як қатор минтақаҳои Уқёнуси Атлантика мутаваққиф карданд

Ҳукуматдорони Иёлоти Муттаҳидаи Амрико ва Канада нақшаву

лоиҳаҳои нави коркард ва истихроҷи нафту газро дар Уқёнуси Яхбастаи Шимолӣ ва як қатор минтақаҳои Уқёнуси Атлантика мутаваққиф карданд. Аммо корҳое, ки айни ҳол ҷараён дорад, идома дода мешаванд. Намояндагони созмонҳои ҳифзи муҳити зист чандин маротиба аз роҳбарони ИМА ва Канада тақозо карданд, ки истихроҷи нафту газро ҳарчӣ зудтар қатъ намоянд. Зеро дар натиҷаи ба амал омадани нуқсони техникӣ, ба муҳити Арктика нафт хориҷ шуда, хатари экологиро ба вуҷуд меорад. Қароре, ки президенти Амрико қабул кард, танҳо баъди панҷ сол аз нав дида баромада мешавад. Баъди гузориши экологҳо президенти ИМА қабл аз як моҳи аз мақом рафтанаш, коркард ва истихроҷи нафту газро дар ин ҷо мамнӯъ кард. Қарори мазкур ба ваъдаҳои президенти тозаинтихоб Доналд Трамп мухолифат мекунад. Зеро тавре ӯ изҳор дошта буд, амалӣ кардани лоиҳаҳои нави истихроҷи нафту газ имкон медиҳад, ки ҷойҳои нави корӣ таъсис дода шавад. Маъмурияти нави ИМА метавонад ин маҳдудиятро бекор кунад, вале барои ин қарори додгоҳ лозим меояд. Ҷараёни бекор намудани ин маҳдудият солҳои зиёдро дар бар хоҳад гирифт. 

назари худро нависед
Қаҳрамонҳои Тоҷикистон