расонаи иттилии - Ориён » АХБОРИ ОҶИЛ » Дастоварди пасоэътирозӣ? Дар Қазоқистон Конститутсия ва қонунин интихоботро тағйир медиҳанд

АХБОРИ ОҶИЛ / Асосӣ / Ҳаводис

Дастоварди пасоэътирозӣ? Дар Қазоқистон Конститутсия ва қонунин интихоботро тағйир медиҳанд


Гуруҳе аз фаъолони ҷомеаи шаҳрвандӣ дар шаҳри Алматои Қазоқистон, ки ба ҳайати он соҳибкорон, ҳуқуқшиносон, донишмандон ва омӯзгорон шомиланд, 24 январ аз таъсиси иттиҳодияи ҷамъиятие бо номи "Ҳаракат барои дастгирии Ҷумҳурӣ" хабар доданд. Дар ин бора Хадамоти хабарҳои Осиёи Марказӣ хабар медиҳад
Дар изҳороти гуруҳи ташаббускор, аз ҷумла гуфта шудааст, "ҳаракат низоми худкомаеро, ки Нурсултон Назарбоев сохтааст, қабул надорад ва барои шикастани ин низом талош хоҳад кард". Матни изҳоротро дар нишасти хабарӣ аз номи ҳаракат раиси шӯрои "Пажӯҳишгоҳи волоияти ҳуқуқ" Азамат Тулеуов қироат кард.
Яке аз аъзои дигари ҳаракат, ҳуқуқшинос ва омӯзгор Нурлан Искалиев гуфтааст, ки бояд механизми роҳ ёфтани як қисми фаъоли ҷомеа дар идораи давлатро таҳия кард. Ба гуфтаи ӯ, низоми давлатдорӣ давоми чандин сол дар ихтиёри як шахс буд ва ҳоло фурсате пеш омадааст.
Ӯ ҳамчунин гуфт, ҳаракат мехоҳад, дар робита ба тағйири Конститутсияи Қазоқистон раъйпурсиеро баргузор кунад. Ба гуфтаи Искалиев, Қонуни асосии ин кишвар на бар асоси волоияти қонун, балки бар асоси волоияти ҳуқуқ бояд таҳия шавад. Вай афзуд, ки "саҳифаи иқтисоди домоду ҷиянҳо бояд баста ва бархурд бо дороиҳои давлатӣ бояд бозбинӣ шавад".
"Масъулияти мо аз он иборат аст, ки қонунҳои интихоботиро дар рӯҳияи қонуни нави амалкунанда ба хотири таъмини интихоботи одилона ва шаффоф бояд куллан дигар кунем", - изҳор дошт Тулеуов.

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.