Коронавирус дар Эрон ҷони беш аз 21 ҳазор нафарро гирифт
Шумори ҷонбохтагони бемории вируси корона дар Эрон дар 24 соати гузашта бо 110 тан афзоиш ба 21 ҳазору 359 нафар расидааст
Тибқи иттилои ахири вазорати беҳдошт, дармон ва омӯзиши пизишкии Эрон, теъдоди қурбониёни ин беморӣ дар ин кишвар ҳар рӯз камтар мешавад ва шохиси талафоти корона дар Эрон раванди коҳиширо дар пеш гирифтааст, иттилоъ додааст радиои тоҷикии Садоии Хуросон.
Ин дар ҳолест, ки шумори беҳбудёфтагони бемории корона дар Эрон ба ҳудуди 320 ҳазор нафар афзоиш ёфтааст.
Дар 24 соати гузашта, ҳазору 905 бемори ҷадиди мубтало ба Ковид - 19 дар Эрон шиносоӣ шуданд.
Маҷмӯи беморони Ковид - 19 дар Эрон низ токунун 371 ҳазору 816 нафар эълом шуда аст.
