Тақвияти ҳамкории Бонки миллии Тоҷикистон бо Бонки ҷаҳонӣ

Душанбе, 06.12.2016 . Ҳайати намояндагии Бонки ҷаҳонӣ бо роҳбарии Йоҳаннес Линн, собиқ ноиб-Президенти Бонки ҷаҳонӣ дар кишварҳои Аврупо ва Осиёи Марказӣ, ки дар айни замон дар вазифаи мушовири сатҳи баланди Ҳукумати Иёлоти Муттаҳидаи Амрико фаъолият намуда, инчунин вазифаи Директори иҷрокунандаи Маркази Рушди Вулфенсонро ба зимма дорад, 5 декабри соли равон ба Бонки миллии Тоҷикистон сафари расмӣ анҷом дод.
Тавре ки аз хадамоти матбуоти БМТ хабар доданд, Раиси Бонки миллии Тоҷикистон Ҷамшед Нурмаҳмадзода меҳмононро бо вазъи макроиқтисодӣ ошно намуда, иброз дошт, ки ҳамкории Бонки ҷаҳонӣ бо низоми бонкии Тоҷикистон сол то сол беҳтар ва дастгирии молиявии онҳо дар ташаккули сохтори бонкии мамлакат назаррас мебошад.
«Зимни мулоқот тарафҳо оид ба самтҳои гуногуни рушди бахши молия, имкониятҳои мавҷуда ва стратегияи Бонки миллии Тоҷикистон оид ба таҳкими бонкҳо суҳбат намуда, ба мувофиқа расиданд, ки барои ҳалли масъалаҳои марбут ба низоми бонкию молиявӣ ҳамкории судмандро ба роҳ мемонанд»,-иттилоъ доданд аз БМТ.
Йоҳаннес Линнро дар мулоқот Лилия Бурунчук, Директори кишварҳои Осиёи Марказӣ, Саша Ҷумена, ҳамоҳангсози барномаи кишварҳои Осиёи Марказӣ ва Патрисиа Виверс-Картер, Роҳбари намояндагии доимии Бонк
назари худро нависед
Қаҳрамонҳои Тоҷикистон