Ошкор гардидани ҷиноятҳои ғоратгарӣ
Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия мардони 31 ва 36-солаи сокинони пойтахт, ки якеашон пеш бо моддаи 248 қисми 2 Кодекси ҷиноятии Ҷумҳурии Тоҷикистон суд шудааст ҳамчун гумонбар дар содир намудани ҷинояти ғоратгарӣ дастгир карда шуданд.
Инчунин дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия мардони 32, 31 ва ҷавони 22-солаи сокинони ноҳияи Рӯдакӣ бо гумони содир намудани ҷинояти ғоратгарӣ дастгир гардиданд.
Номбурдагон санаи 31-уми октябри соли 2020, тахминан соати 05:00, аз деҳаи Навбунёди ҷамоати деҳоти Чоргултеппа марди 34-солаи сокини ноҳияи мазкурро ба автомашинаи тамғаи “Опел-Вектра” савор карда, ба деҳаи Қалъаи ҷамоати деҳоти Эсанбойи ҳамин ноҳия бурда, бо роҳи ошкоро ва истифодаи зӯроварӣ аз ҷайбаш 1 ҳазору 700 сомониро гирифта, аз ҷойи ҳодиса ғайб задаанд.
Аз рӯи ин ҳодисаҳо тафтишот идома дорад.
