Дар Душанбе мусобиқаи бокси “Шаби чемпионҳои IBA” баргузор мешавад
Дар ин мусобиқа муштзанон аз Тоҷикистону Русия ва Тайвану Озарбойҷон иштирок мекунанд.
“Ин як мусобиқаи пуршукӯҳе хоҳад буд, ки беҳтарин муштзанҳо барои исботи истеъдоди худ ба майдон мебароянд”, - зикр карданд дар Федератсия.Дар рақобати асосӣ байни намояндаи Русия Шарабутдин Атаев бо Алфонсо Домингес аз Озарбойҷон дӯстдорони бокс шоҳиди он хоҳанд гашт, ки кӣ соҳиби камарбанди IBA дар вазни то 86 кг мешавад.
Сурат: Федератсияи бокси ТоҷикистонШаби чемпионҳои IBA аз силсилаи мусобиқаҳо иборат аст, ки аз соли 2022 таҳти сарпарастии Ассотсиатсияи байнулмилалии бокс (IBA) доир мегардад
Бино ба маълумоти Федератсияи бокси Русия, ғолиби мусобиқа 350 ҳазор доллар ва мағлубшуда - 150 ҳазор доллар мукофотпулӣ мегиранд.Дар доираи и шоуи бокс муштзани тоҷик Шавкатҷон Раҳимов бо Эдуардо Нунес барои дарёфти унвони қаҳрамон аз рӯи версияи IBF рақобат мекунад. Раҳимов дар рақобати 12-раунда дар вазни 58,9 кг қувваозмоӣ хоҳад кард.Ғайр аз ин, тамошобинон метавонанд аз рақобати 8-раунда барои дарёфти унвони қаҳрамони Осиё байни муштзани тоҷик Баҳодур Усмонов бо Лал Чу-Эн аз Тайван дар вазни 63,5 кг баҳра баранд.
Билетҳоро аз сомонаи Ticketon харидан мумкин аст. Нархи билетҳо аз 50 сомонӣ оғоз мешавад.
