Дуздон гарданбанди тиллоӣ ва телефони мобилиро дуздиданд, вале дастгир шуданд
Ба ШВКД дар ноҳияи А.Ҷомӣ бо ариза зани 37-солаи сокини ҷамоати деҳоти Иттифоқи ноҳияи мазкур муроҷиат намудааст, ки моҳи декабри соли 2020, шахсони номаълум бо роҳи пинҳонӣ вориди хонаи истиқоматиаш шуда, аз он ҷо 1-адад гарданбанди тиллоиро дуздида, аз ҷойи ҳодиса ғайб задаанд. Зарари расонидашуда 5 ҳазор сомониро ташкил медиҳад.Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия ноболиғи 17-солаи сокини ҷамоати деҳоти Иттифоқ бо гумони содир намудани ҷинояти дуздӣ дастгир карда шуд.
Инчунин, дар натиҷаи гузаронидани чорабиниҳои оперативӣ-ҷустуҷӯӣ аз ҷониби кормандони милитсия ҷавони 24 ва марди 41-солаи сокинони ҷамоати шаҳраки А.Ҷомии ноҳияи А.Ҷомӣ ҳамчун гумонбар дар содир намудани ҷинояти дуздӣ дастгир карда шуданд.
Номбурдагон, шаби 26-уми январи соли 2021, тахминан соатҳои 23:00 дар кӯчаи Сомониёни ноҳияи А.Ҷомӣ аз ҷайби ҷавони 24-солаи сокини ҷамоати шаҳраки А.Ҷомии ноҳияи мазкур, 1-адад телефони мобилии тамғаи “Самсунг Галакси А-50”-ро дуздида, аз ҷойи ҳодиса ғайб задаанд. Зарари расонидашуда 2 ҳазору 500-сомониро ташкил медиҳад.
Аз рӯи ин ҳодисаҳо тафтишот идома дорад.