. / Иқтисодиёт
Қитъаи замин ба ширкати навбатӣ барои сохтмони меҳмонхонаи пуршукӯҳ дар пойтахт
Душанбе ба як меҳмонхонаи бузург табдил меёбад.
Биноҳои истиқоматии аз ҷониби ширкати "Элит-Строй-Сервис" сохташудаСурат: ess.tj
Меҳмонхонаи нави муосир дар қисмати шимолу ғарби Душанбе дар доираи лоиҳаи сохтмони бинои баландошёнаи бисёрсоҳавӣ бунёд мегардад.
Дар қарори ҳукумат дастур дода мешавад, ки ҳудуди 1 гектар қитъаи замин аз ҳисоби Боғи фарҳангӣ-фароғатии "Ҷавонон" гирифта шуда, барои бунёди маҷмааи бисёрошёна бо меҳмонхонаи муосир ба ихтиёри ширкати сохтмони “Элит-Сервис-Строй” дода шавад.
Боғи фарҳангӣ-фароғатии "Ҷавонон" байни Намоишгоҳи дастовардҳои хоҷагии халқ (ВДНХ) каме болотар аз Варзишгоҳи марказии ҷумҳуриявӣ ва Донишгоҳи миллии Тоҷикистон (“Ҷазира”) ҷойгир шудааст.
Дар санад қайд мешавад, ки ширкати сохтмони “Элит-Сервис-Строй” барои бунёди маҷмаа 0.69 гектар гулгашт ва чаманзори боғи “Ҷавонон” ва 0.24 гектар пайроҳаҳои пиёдагардро мегирад.
Дар бораи ширкати сохтмон
ҶДММ “Элит-Сервис-Строй” соли 2007 таъсис дода шуда, дар сомонааш худро яке аз пешсафони шоистаи бозори сохтмони кишвар тайи беш аз 10 сол инҷониб муаррифӣ мекунад.Маълумот дар бораи муассисони “Элит-Сервис-Строй” мавҷуд нест.
Маҷмааи истиқоматии 16-ошёна дар хиёбони С.АйнӣМанбаъ: сомонаи ширкат - ess.tj
Сохтану боз сохтан
Ба ақидаи коршиносон, раҳбарияти меҳмонхонаҳои пойтахт аз кам будани мизоҷон (20% пуршавӣ) шикоят дошта, “бозор ҳоло ба чунин шумори зиёди меҳмонхонаҳо ҳоло омода нест”.Тибқи маълумоти расмии оморӣ, дар пойтахт наздики 40 меҳмонхонаи нисфашон 3-5 ситорадор ва ҳамагӣ андаке бештар 10 адад хостелҳо (хобгоҳҳо) фаъолият доранд.
Дар ҳамин ҳол, солҳои наздик ба истифода додани боз 9 меҳмонхона (аз 3 то 5 ситорадор) бо 630 ҳуҷра дар маҷмӯъ ба нақша гирифта шуда, ин меҳмонхонаҳо дар як вақт зиёда аз 1 ҳазор нафарро қабул карда метавонанд.
Аз ҷумла, муддати аллакай 15 сол инҷониб сохтмони меҳмонхонаҳои Grand Rudaki Tower ва «Исмоили Сомонӣ» идома дорад.
Илова бар ин, дар хиёбони Рӯдакӣ сохтмони 10 қароргоҳ барои меҳмонони воломақом ҷараён дорад, ки бояд то моҳи сентябри ҳамин сол мавриди баҳрабардорӣ қарор гиранд.
