Тирпарронӣ дар Амрико: ҷинояткор худро ба қатл расонд

Дар штати Ню-Мексикои Иёлоти Муттаҳидаи Амрико

тирпарронӣ ба қайд гирифта шуд. Ҳодиса дар шаҳри Албукерке ба амал омад. Дар ин ҷо шахси силоҳбадаст ба як оила ҳамла намуда, ҷониби онҳо оташ кушодааст. Бар асари тирпарронӣ 3 кӯдаки аз 5 то 9-сола ба ҳалокат расида, як каси дигар захмӣ шуд. Тафтишоти пешакӣ муайян кард, ки ҷинояткор - Ҷорҷ Дэниэл Уэчслери 45-сола буда, дар гузашта бо модари кӯдакон робита доштааст. Ба гуфти полис Уэчслер ба хона ворид шуда, ҳангоми баргаштани оила ба онҳо ҳамла кардааст. Модари 36-солаи кӯдаконро бо бардоштани ҷароҳати вазнини ҷисмонӣ дар беморхона бистарӣ намуданд. Пас аз ҳамла ҷинояткор худро ба қатл расонид. 

назари худро нависед
Қаҳрамонҳои Тоҷикистон