расонаи иттилии - Ориён » . » Ҷомеа » Фелдшери тоҷик: "Ӯ мегуфт, модарамро зудтар баред, ки занамро сироят мекунад"

. / Ҷомеа

Фелдшери тоҷик: "Ӯ мегуфт, модарамро зудтар баред, ки занамро сироят мекунад"

Ёд доред, фелдшери тоҷикро, ки бо ашки худ ба нафсу номуси миллионҳо нафар расиду зери диққати ҳамаи тоҷикистониён шуд, аз ҷумла, раисҷумҳур?


Мо бо Муҳаммад Ҳисайнов дар тамос шудем ва суҳбате оростем. Дар бораи он рӯзҳои сахт, гирифториаш ба Covid-19, кӯдакии душвору вохӯрӣ бо президент, дар бораи ҳамкасбонаш ва мизоҷе, ки "аз модараш халос шудан мехост".
Ин корманди миёнаи тиббиро дар саросари кишвар мешиносанд: 18 август дар вохӯрӣ бо президент вақте ки Эмомалӣ Раҳмон ба табибони тоҷик мукофотҳои давлатӣ месупурид, сарвари давлат ҷасорату мардонагии ин кормандро махсус қайд карда, ба ӯ манзил туҳфа кард.
Ин ҷо матни қисмати мусоҳиба бо ӯ, ки дар навори видео нест.
- Дар вохӯрӣ бо президент ҳама як хел сарулибос доштанд, костюмро харидед ё касе онро ба шумо туҳфа кард?
- Дар вохӯрӣ бо президент ман костюмро аз бозори “Корвон” иҷора (прокат) гирифтам. Ба харидани костюми нав имкон надорам. Якто доштам, ки вақти тӯйи хонадоршавиам харида будам, лекин он дуруст наомад. Ба мо гуфтанд, ки рангу шакли сарулибос бояд якхел бошад.
Пас аз кор дар вақти холигиам дар бозори “Корвон” боркашӣ мекунам. Дар ҳамон ҷо аз шиносҳоям дархост кардам, ки сарулибос барои иҷора ёфта диҳанд.
Муҳаммад Ҳусейнов ва Эмомалӣ Раҳмонтелекадр
- Ҳозир шумо ному насаби табибон ва ҳайати кормандони тиббиро, ки аз самими дил барояшон миннатдорӣ изҳор карданиед, номбар карда метавонед?
- Ман ба духтурони калонсол, ки шабу рӯз беморхонаро тарк накарда, ҳаёти одамонро наҷот медоданд, миннатдорӣ изҳор карданиам. Инҳо Искандар Амонқулов, Искандар Маҳмадов, Далер Маллаев, Қурбонбӣ Мӯсоева, Дилшод Шоев, Аскар Алиев, Шавкат Сафаров, Адолат Қодирова мебошанд. Онҳо замони пандемия ба мардум хизмат карда, имрӯз ҳам ба кумак омодаанд.
- Кормандоне, ки беморхонаро тарк карда буданд, ба кор баргаштанд?
- Пас аз муроҷиат аз беморхонаи худамон ва дигар ноҳияҳо ба ман навишта, изҳор доштанд, ки муроҷиатам ба онҳо барои бозгаштан неру бахшидааст. Дар натиҷа виҷдонашон нагузошт, ки аз мардум худро канор гиранд.

Дигар хабарҳо

Уважаемый посетитель, Вы зашли на сайт как незарегистрированный пользователь.
Мы рекомендуем Вам зарегистрироваться либо войти на сайт под своим именем.

Написать свой комментарий:

Ахборотҳоро ба суроғаи электронии мо - tamos@orien.info ирсол намоед.

забонҳо

Маъмурияти сомона:

Тамоми маводи иттилоотии сомона дар асоси маълумоти манбаъҳои дар Тоҷикистон ва дигар нуқтаҳои ҷаҳон доштаи мо омода мегардад.