Олими рус се мавҷи COVID -19 - ро пешгӯӣ кард: дуюмаш вазнинтар мешавад
Масунияти оммавӣ алайҳи ин маризӣ замоне пайдо мешавад, ки 60 дарсади сокинони сайёра ба коронавирус мубтало мешаванд. Дар сурати гирифтор шудани 95 фисади аҳолӣ ин вирус нест мешавадМудири Маркази иммунология ва молекуляи биотибиӣ Донишгоҳи давлатии Маскав, академики Академияи илмҳои Русия Михаил Палтсев изҳор доштаст, ки пандемияи коронавирус дар се мавҷ ҷараён мегирад ва танҳо то тобистони соли 2021 сабуктар мешавад, менависад "Парламентская газета".
"Чун тобистон сатҳи сироятшавӣ ба маризии коронавирус коҳиш ёфт, бовар кардан асос дорад, ки дар фасли тирамоҳ боз мубталошавӣ ба ин маризӣ афзоиш меёбад. Ба ҳамин минвол, ин маризӣ дар се мавҷ ҷараён мегирад: баҳор - тирамоҳ - баҳор", - таъкид намудааст Палтсев.Ҳамчунин, олими рус зикр намуд, ки дар таърих ҳамаи пандемияҳои вирусӣ маҳз се мавҷро дарбар мегирифтанд.
"Мавҷи аввал ба қадри кофӣ қавӣ мешавад, дуввум аз он қавитар ва сеюм аллакай бо дарназардошти пайдо шудани масунияти оммавӣ, заифтар мешавад", - илова намуд олими рус.
Номбурда "зукоми испанӣ" - ро мисол оварда афзудааст, ки он ҳам дар се мавҷ ибтидои асри гузашта ҷараён кард. Ба изҳори ӯ, замоне, ки 60 фисади аҳолӣ гирифтори ин маризӣ мешавад аллакай масунияти оммавӣ алайҳи коронавирус пайдо мешавад.
Палтсев мегӯяд, танҳо дар сурати мублато шудани 90 дарсади аҳолӣ, ин вирус нест мешавад.
Ба гуфтаи ӯ, то ҳол пешгӯии дақиқи рушди эпидемия дар фасли тирамоҳ мавҷуд нест. Аммо, худи Палтсев боварӣ дорад, ки мавҷи дуюм душвор хоҳад буд, зеро карантини дарозмуддат масунияти одамонро коҳиш дод.
Read more: https://sputnik-tj.com/Rusia/20200827/1031802178/Olimi-rus-se-mavji-COVID-19-ro-peshgui-kard-duyumash-vaznintar-meshavad.html
