ШУМОРАИ РАСМИИ ГИРИФТОРОНИ КОРОНАВИРУС ДАР ТОҶИКИСТОН БА 8346 НАФАР РАСИД
Инчунин, дар як шабонарӯзи охир дар ҷумҳурӣ 35 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ ба 8346 нафар баробар гардид.
Ҳамзамон, то санаи 24 август дар мамлакат 7142 (85,5%) нафар аз бемории COVID-19 шифо ёфта, бар асари он 67 нафар фавтидаанд.
Ин омори расмии вазорат дар ҳолест, ки рӯзҳои охир аз Тоҷикистон дар бораи мавридҳои рӯи ба афзоиши гирифторӣ ба коронавирус ва ҳалокати беморон аз ин беморӣ хабарҳо ба даст мерасанд. Бисёриҳо, аз ҷумла табибон мегӯянд, ки омори расмии вазорати тандурустӣ воқеиятро пурра нишон намедиҳад ва мақомот ба мулоҳизаҳое, аз ҷумла дар остонаи интихоботи президентӣ, ба Тоҷикистон расидани мавҷи дуюми коронавирусро пинҳон мекунанд.
