Ошкор гардидани тақаллубкориҳо
Ба ШВКД-2 дар ноҳияи Сино бо ариза ҷавони 22-солаи сокини ноҳияи мазкур муроҷиат намудааст, ки аввалҳои моҳи августи соли 2020 дар назди МС «Саодат», воқеъ дар кӯчаи Б.Ғафурови пойтахт ҷавони 25-солаи сокини шаҳри Ҳисор, бо роҳи фиреб ба бовариаш даромада, аз ӯ 1-адад автомашинаи тамғаи «Мерседес-Бенс МЛ»-ро ба 40 ҳазор доллари амрикоӣ нархгузорӣ карда, гирифтааст.Ҳамин тариқ, моҳи августи соли 2020 такроран аз ӯ 5 ҳазор доллари амрикоӣ гирифта, то ҳол маблағашро барнагардонидааст. Зарари расонидашуда 45 ҳазор доллари амрикоиро ташкил медиҳад.
Инчунин, ба ШВКД-2 дар ноҳияи Фирдавсӣ бо ариза марди 48-солаи сокини ноҳияи Кӯшониён муроҷиат намудааст, ки моҳи августи соли 2020 дар шаҳри Душанбе марди 37-солаи сокини шаҳри мазкур бо роҳи фиреб ба бовариаш даромада, аз ӯ 50 ҳазор сомонӣ гирифта, то ҳол маблағашро барнагардонидааст.
Аз рӯи ин ҳодисаҳо тафтишот идома дорад.