ЗАФАРЧА ВА ГИННЕС

Бовар дорем, ки Зафар Айюбӣ аз номи матлаб хафа намешаванд, зеро ӯро воқеан тӯли 2 асри ахир бо ҳамин тахаллус, яъне «Зафарча» мешиносанду медонанду мешунаванду мехонанду гӯш мекунанду мухлисӣ менамоянд.
Хулласи калом, Зафар Айюбӣ, ки таваҷҷӯҳ кунед, ҳоло пир нест (!!!), ҳамагӣ 54 сол дорад, метавонад ба китоби Рекордҳои Гиннес шомил шавад. Чаро? Зеро ӯ ҳамакнун тӯйи насли саввуми 1 хонаводаро гузаронид.
Хуршед ном як ҷавони 20-солаи тоҷик, соле муқаддам (соли 2017) оиладор шуд. Ҳофизи туй Зафарча буд. Вале ин аҷиб нест. Аҷиб он аст, ки Зафарча, расо 20 сол қабл дар туйи падару модари ҳамин ҷавон ҳофизӣ карда буд. Туйи хонадоршавии Шодибек-падари Хуршед дар соли 1997 баргузор шудааст. 
Аммо ин ҳам аҷиб нест! Аҷоибот дар ин ҷост, ки дар  базми домодию арӯсии падари Шодибек-амаки Маҳмадсафар, ки аккурат 40 сол пеш, дар соли 1977 баргузор шуда буд, маҳз Зафарча бобову бибии Хуршедро, ки он замон навшаҳу наварӯс буданд, «Шаҳам бар минбаре!!!»-гӯён рӯи тахт бароварда буд. 
Акнун худ хулоса кунед, ки оё воқеан ҳам соате нарасидааст, ки тибқи пешниҳоди донишманди Тоҷик-Абдуқодири Абдуқаҳҳор ба Зафар(ча) Айюбӣ унвони ҳунарманди мардумии ҶТ дода шавад?
Мо тарафдор. Шумо чӣ мегӯед???

назари худро нависед
Қаҳрамонҳои Тоҷикистон