Парлумони Маҷористон президенти навро интихоб намуд
26 феврал парлумони Венгрия сарвари нави давлат – Тамаш Шуйокро интихоб намуд, ки қаблан раиси Суди конститутсионӣ буд. Тавре АМИТ «Ховар» иттилоъ медиҳад, дар ин хусус ТАСС хабар додааст.Тамаш Шуйок дар мансаби президентӣ Каталин Новакро иваз менамояд.
Интихоби сарвари нави давлат дар рӯзи аввали иҷлосияи баҳорӣ баргузор гардид. Номзадии Тамаш Шуйоки 67 — сола аз ҷониби эътилофи ҳизбҳои ҳокими «ФИДЕС- Иттиҳоди шаҳрвандии Маҷористон» ва шарикони хурди онҳо — демократҳои масеҳӣ пешниҳод шуд. Ҳангоми овоздиҳӣ ҳамаи вакилони тарафдори ҳукумат ба ҷонибдории Шуйок баромад намуданд, ки ин пирӯзии ӯро дар даври аввал таъмин намуд.
