Муовини Сарвазири мамлакат Ширин Исматуллозода бо Ҳамоҳангсози кишварии СММ дар Тоҷикистон Сезин Синаноғлу мулоқот намуд
Имрўз муовини Сарвазири Ҷумҳурии Тоҷикистон Ширин Исматуллозода бо Ҳамоҳангсози кишварии Созмони Милали Муттаҳид дар Тоҷикистон Сезин Синаноғлу мулоқот намуд, хабар медиҳад АМИТ «Ховар».
Дар мулоқот масъалаҳои муаррифӣ, мубодилаи маълумот оид ба ислоҳоти низоми рушди СММ, вазифаҳои Дафтари Ҳамоҳангсози кишварии СММ аз ҷониби хонум Сезин Синаноғлу, мусоидати ниҳодҳои СММ дар татбиқи авлавиятҳои миллӣ ва вокуниш ба пайомадҳои COVID-19, Татбиқи лоиҳаи Барномаи давлатии «Рушду нумўъ-2030» ва Татбиқи лоиҳаи Барномаи «Нури рушноӣ» мавриди баррасӣ ва муҳокима қарор дода шуданд.
Ҷонибҳо ҳамчунин доир ба масъалаҳои мавриди таваҷҷуҳ табодули афкор намуданд.
